ԵՐԵՎԱՆ, 23 հունվարի./Նովոստի–Արմենիա/. Պորտուգալիայի կանանց գավաթի առաջնության «Բենֆիկա» – «Սպորտինգ» քառորդ եզրափակչի խաղում մրցավարը «սպիտակ քարտ» է ցույց տվել։ Սա առաջին նմանատիպ դեպքն է պրոֆեսիոնալ ֆուտբոլում, հայտնում է
armsport.am–ը։
Մրցավարն այս կերպ գնահատել է երկու ակումբների բժշկական խմբերի աշխատանքը։ Բժիշկները վազել են խաղադաշտ՝ օգնելու թիմի խաղացողներից մեկին:
Մրցավարի ցուցադրած քարտը բժշկական թիմի վարպետության ճանաչում է նշանակում։
Նշենք, որ խաղն անցկացվել է շաբաթ օրը և ավարտվել է հօգուտ «Բենֆիկայի»` 5։0 հաշվով։ Ֆուտբոլի միջազգային ֆեդերացիան «սպիտակ քարտը» ներկայացրել է որպես սպորտում էթիկայի բարելավման միջոց։–0–
