Խաբիբ Նուրմագոմեդովը ծաղրել է Քոնոր ՄակԳրեգորին

ԵՐԵՎԱՆ, 24 մայիսի./Նովոստի–Արմենիա/. UFC խառը մենամարտերի թեթև քաշային չեմպիոն Խաբիբ Նուրմագոմեդովը հերթական անգամ քննադատել է Քոնոր ՄակԳրեգորին։

Նուրմագոմեդովն անդրադարձել է ММА պատմության ընթացքում լավագույն մարտիկների վարկանիշին, որը կազմել է ՄակԳրեգորը, գրում է www.sportsdaily.ru–ն։

Իր անձնական վարկանիշում ՄակԳրեգորը ներառել է UFC–ի չորս գործող կամ նախկին մարտիկներին` Անդերսոն Սիլվային, Ժորժ Սեն–Պիերին, Ջոն Ջոնսին և իրեն։

Նուրմագոմեդովը ծաղրել է Քոնորին, որ վերջինս ներառել է ինքն իրեն այդ մարզիկների հետ միևնույն վարկանիշում։

«Դու պարտվել ես կիսաթեթև, թեթև և միշին քաշերում։ Դու երբեք չես պաշտպանել UFC կամ Cage Warriors տիտղոսները։ Դու հանձնվել ես ավելի շատ, քան Սեն–Պիերը, Սիլվան և Ջոնսը։ Դու UFC–ի մեծագույն մարտիկն ես Twitter-ի պատմության մեջ», – գրել է խաբիբը Twitter-ի իր էջում` ուղղակիորեն չնշելով իռլանդացու անունը։–0–

you tapped out in featherweight , you tapped out in lightweight and you tapped in welterweight , you never defended title in the UFC or Cage Warriors , you gave up more than GSP , Spider and Bones all together.
you greatest @ufc fighter in twitter history.

— khabib nurmagomedov (@TeamKhabib) May 24, 2020