FIFA. հայտնի են տարվա լավագույն ֆուտբոլիստն ու մարզիչը

ԵՐԵՎԱՆ, 18 հունվարի./Նովոստի–Արմենիա/. Ցյուրիխում կայացել է FIFA-ի ամենամյա մրցանակաբաշխությունը: Ազգային հավաքականների գլխավոր մարզիչների, ավագների և մարզական լրագրողների քվեարկության արդյունքում հայտնի են դարձել մի քանի անվանակարգերի հաղթողները: Տարվա լավագույն ֆուտբոլիստ անվանակարգում հաղթող դարձավ «Բավարիայի» ու Լեհաստանի հավաքականի հարձակվող Ռոբերտ Լևանդովսկին, հաղորդում է armport–ը:

Լավագույն ֆուտբոլիստի հավակնորդներն էին Կարիմ Բենզեման («Ռեալ»), Քևին դե Բրույնեն («Մանչեսթեր Սիթի»), Կրիշտիանու Ռոնալդուն («Մանչեսթեր Յունայթեդ»), Էրլինգ Հոլանդը («Բորուսիա», Դորտմունդ), Ժորժինյոն, Նգոլո Կանտեն (երկուսն էլ՝ «Չելսի»), Ռոբերտ Լևանդովսկին («Բավարիա»), Կիլիան Մբապեն, Լիոնել Մեսսին, Նեյմարը (երեքն էլ՝ ՊՍԺ) և Մոհամեդ Սալահը («Լիվերպուլ»):

Տարվա լավագույն մարզիչ ճանաչվեց Լոնդոնի «Չելսիի» գլխավոր մարզիչ Թոմաս Տուխելը, որն «ազնվականների» ղեկին նվաճել է Չեմպիոնների Լիգայի գավաթը։

Լավագույնի թեկնածուներն էին Անտոնիո Կոնտեն («Տոտենհեմ»), Հանս-Դիտեր Ֆլիկը (Գերմանիայի հավաքական), Պեպ Գվարդիոլան («Մանչեսթեր Յունայթեդ»), Ռոբերտո Մանչինին (Իտալիայի հավաքական), Լիոնել Սկալոնին (Արգենտինայի հավաքական), Դիեգո Սիմեոնեն («Ատլետիկո») և Թոմաս Տուխելը («Չելսի»):–0–