ԵՐԵՎԱՆ, 19 դեկտեմբերի. /Նովոստի–Արմենիա/. Անգլիական «Մանչեսթեր Յունայթեդն» ու Թուրինի «Յուվենտուսը», հնարավոր է, փոխվեն խաղացողներով` Ալեքս Սանդրոն կարող է տեղափոխվել անգլիական ակումբ, իսկ Հենրիխ Մխիթարյանը պայմանագիր կստորագրի թուրինցիների հետ, գրում է
The Sun–ը։
Загружается новость ... "Лево"
Անգլիական հրատարակության հաղորդմամբ, «կարմիր սատանաները» հետաքրքրված են «ծեր սինյորայի» պաշտպան Ալեքս Սանդրոյի ծառայություններով։ 26–ամյա բրազիլացու համար ՄՅՈւ–ն պատրաստ է առաջարկել ոչ միայն դրամական փոխհատուցում, այլ նաև իր կիսապաշտպան Հենրիխ Մխիթարյանին։
Հաղորդվում է նաև, որ ՄՅՈւ–ի ղեկավարությունն արդեն թուրինցիներին առաջարկել է Մխիթարյանի ծառայությունները։ Աղբյուրը նաև նշում է, որ «Յուվենտուսին» ավելի շատ հետաքրքրում է ոչ թե Մխիթարյանը, այլ անգլիացիների պաշտպան Դեյլի Բլինդը։
Загружается новость ...
"Право"
Մամուլում ավելի վաղ տեղեկություն էր տարածվել, որ հայ կիսապաշտպանը, հնարավոր է, վերադառնա Դորտմունդի «Բորուսիա»։ 101 Great Goals–ի տվյալներով, Հենրիխ Մխիթարյանը դժգոհ է ակումբում ստեղծված իրավիճակից։ Նոյեմբերի վերջին Մոուրինյուն հայտարարել է, որ սկսել է ավելի հազվադեպ խաղադաշտ հանել կիսապաշտպանին այն պատճառով, որ Հենրիխը սկսել է իրեն վատ դրսևորել խաղերում։
Corriere dello Sport իտալական հրատարակությունն իր հերթին տեղեկացրել է, որ Մխիթարյանը, հնարավոր է, անցնի Միլանի «Ինտեր» վարձակալական հիմունքներով։
Նշենք, որ Մխիթարյանն այս խաղաշրջանում «Մանչեսթեր Յունայթեդի» կազմում խաղացել է 17 հանդիպումներում` խփելով երկու գոլ և կատարելով հինգ փոխանցում:–0–
