Մխիթարյանը կրկին «Արսենալի» ուշադրության կենտրոնում է

ԵՐԵՎԱՆ, 31 մարտի. /Նովոստի–Արմենիա/. Դորտմունդի «Բորուսիայի» ու Հայաստանի հավաքականի կիսապաշտպան Հենրիխ Մխիթարյանը գտնվում է Լոնդոնի «Արսենալի» ուշադրության կենտրոնում, գրում է «The Guardian»-ը:

Մխիթարյանի գործակալը «Յուվենտուսի» հետ քննարկել է նրա տեղափոխման հարցը>>

Անգլիական ակումբի սկաուտները հետևել են 27-ամյա ֆուտբոլիստի խաղին,այդ թվում` նաև խաղերի տեսանյութերի միջոցով։ Մխիթարյանի պայմանագիրը գերմանացիների հետ ավարտվում է 2017 թվականին:

Անգլիական «Արսենալը» հետաքրքրվում է Հենրիխ Մխիթարյանով>>

Ամռանը «Արսենալը» հրաժեշտ է տալու իսպանացի կիսապաշտպան Միկել Արտետային, ֆրանսիացի Մատյո Ֆլամինիին ու չեխ Թոմաշ Ռոսիցկիին: Հարցականի տակ է նաև անգլիացի Ալեքս Օքսլեյդ-Չեմբերլենի ապագան: Դրա հետ կապված «Արսենալի» գլխավոր մարզիչ Արսեն Վենգերը մտադիր է ամրացնել կիսապաշտպանության գոտին:

Մխիթարյանից բացի, ֆրանսիացի մասնագետը դիտարկում է նաև Մյոնխենգլադբախի «Բորուսիայի» կիսապաշտպան Գրանիտ Ջակային ձեռք բերելու տարբերակը:–0–