ԵՐԵՎԱՆ, 10 հունիսի. /Նովոստի-Արմենիա/. «Մանչեսթեր Յունայթեդը» տեղեկություններ է հավաքում Հայաստանի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանի մասին, գրում է
Daily Mail-ը:
Պարբերականը նշում է, որ Մխիթարյանը մտադիր չէ երկարաձգել «Բորուսիայի» հետ պայմանագիրը, որն ավարտվում է 2017 թ.-ի ամռանը, և «Բորուսիան» պատրաստ է «բաց թողել» իր կիսապաշտպանին 25 մլն ֆունտ ստեռլինգի դիմաց:
«Բորուսիան» համաձայնել է «բաց թողնել» Հենրիխ Մխիթարյանին>>
Ավելի վաղ The Sun-ը հայտնել է, որ «Արսենալն» արդեն
համաձայնեցրել է «Բորուսիայի» հետ 27-ամյա հայ ֆուտբոլիստի տեղափոխման հարցը և դրա համար վճարելու է 25 մլն ֆունտ ստեռլինգ:
Մխիթարյանի ծառայություններով հետաքրքրված են նաև Թուրինի «Յուվենտուսը», անգլիական «Չելսին», «Տոտենհեմը» և «Արսենալը»: -0-
