ԵՐԵՎԱՆ, 7 սեպտեմբերի. /Նովոստի-Արմենիա/. Գերմանիայի դրոշի ներքո հանդես եկող հայ բռնցքամարտիկ Արթուր Աբրահամը և նրա կինը սպասում են իրենց առաջնեկին:
Գերմանական ԶԼՄ-ներին տված հարցազրույցում Աբրահամը նշել է, որ նրանք տղայի են սպասում և, հայկական ավանդույթի համաձայն, երեխային կանվանի հոր պատվին: Բռնցքամարտիկը նշել է նաև, որ չորս երեխա է ուզում ` երեք տղա և մեկ աղջիկ:
Աբրահամն ամուսնացել է Հայաստանից Մերի անունով աղջկա հետ 2015 թ.-ի ամռանը: Նրա կինը Երևանի պետական համալսարանի ուսանողուհի է: Ապագա կնոջ հետ նրան ծանոթացրել են ընկերները:
Համացանցում հայտնվել են Աբրահամի և կնոջ լուսանկարները:
36-ամյա Արթուր Աբրահամը (Ավետիք Աբրահամյանը) ծագումով Հայաստանից է, հանդես է գալիս Գերմանիայի դրոշի ներքո։ Դարձել է WBO վարկածով երկրորդ միջին քաշային կարգում աշխարհի չեմպիոն` 2012 թվականի օգոստոսին չեմպիոնական գոտին «խլելով» Ռոբերտ Շտիգլիցից։ 2013 թվականի մարտի 23–ին «Արթուր արքան» չկարողացավ պաշտպանել իր տիտղոսը նույն Շտիգլիցի հետ մենամարտում։
Սակայն 2014 թվականի մարտին Աբրահամը վերադարձրեց չեմպիոնի գոտին` հաղթելով Շտիգլիցին ռևանշ–մենամարտում, իսկ այնուհետև պաշտպանեց այն չեռնոգորցի Նիկոլա Սիեկլոչայի և Փոլ Սմիթի հետ մենամարտերում։
2016 թ.-ի ապրիլի սկզբին հայ բռնցքամարտիկը զիջեց չեմպիոնի գոտին մեքսիկացի Գիլբերտո Ռամիրեսին: Հուլիսի 17-ին Աբրահամը տեխնիկական նոկաւոտով հաղթեց 23-ամյա նորվեգացի Տիմ Ռոբին Լիհաուգին: -0-