ԵՐԵՎԱՆ, 4 հուլիսի./Նովոստի–Արմենիա/. Սահակ եպիսկոպոս Մաշալյանն ընտրվել է Պոլսո հայոց պատրիարքի տեղապահ, հայտնում է
Ermenihaber.am–ը։
Հայ առաքելական եկեղեցու Կոստանդնուպոլսի Մեսրոբ Բ 84–րդ պատրիարքը մահացել է 2019 թվականի մարտի 8–ին Թուրքիայում 62 տարեկան հասակում երկարատև հիվանդությունից հետո, ինչի կապակցությամբ 2008 թվականից պատրիարքի ժամանակավոր պաշտոնակատար է եղել Արամ արքեպիսկոպոս Աթեշյանը։
Մեսրոբ պատրիարքի մահից հետո նշանակվել են տեղապահի նոր ընտրություններ, ով Պատրիարքարանի կանոնադրության համաձայն, պետք է անցկացնի նոր պատրիարքի ընտրություններ։
Ինչպես հայտնում է պարբերականը, Մաշալյանի թեկնածությանը կողմ է քվեարկել Թուրքիայի հայկական համայնքի հոգևորականության 25 ներկայացուցիչներից 13–ը, իսկ Արամ արքեպիսկոպոս Աթեշյանին` 11 պատվիրակ։ Մեկ ներկայացուցիչ ձեռնպահ է մնացել։
Ավելի վաղ հաղորդվել էր, որ Թուրքիայի հայ համայնքի ներկայացուցիչները ջանքեր էին գործադրում նոր պատրիարքի ընտրությունները կազմակերպելու ուղղությամբ։ Սակայն եկեղեցական կանոնների համաձայն, ընտրություններից առաջ այդ տեղը պետք է թափուր լինի։
Մեսրոբ պատրիարքի անբուժելի հիվանդության կապակցությամբ 2017 թվականի մարտի 15–ին անցկացված ընտրություններում Կոնստանդնուպոլսի պատրիարքարանի տեղապահ էր ընտրվել Գերմանիայի հայկական թեմի առաջնորդ Գարեգին արքեպիսկոպոս Բեկչյանը։ Սակայն փոխանորդ նշանակված Արամ արքեպիսկոպոս Աթեշյանն ասել էր, որ չի պատրաստվում հրաժարական տալ։ Հասսրակայնության և Էջմիածնի պատրիարքարանի ճնշման ներքո մայիսի 24–ին նա հրաժարական տվեց։ Աթեշյանը հայտնի դարձավ նրանով, որ 2016 թվականին նամակ էր ուղղել Թուրքիայի նախագահ Ռեջեփ Թայիփ Էրդողանին Գերմանիայի Բունդեսթագի կողմից ընդունված հայոց ցեղասպանության ճանաչման բանաձևի վերաբերյալ` անընդունելի համարելով այն, որ ԳԴՀ խորհրդարանն իր վրա իրավաբանական պատասխանատվություն է վերցնում։
Այս հայտարարությունը բողոքի ալիք բարձրացրեց Երևանում, որի համատեքստում բազմաթիվ պատգամավորներ պահանջեցին չեղարկել արքեպիսկոպոսի այցը Երևան։
Պոլսո պատրիարքարանը Հայ առաքելական եկեղեցու ինքնավար պատրիարքություն է։ Հիմնվել է 1461 թվականին, պատկանում է ՀԱԵ Գերագույն պատրիարքութանը և Ամենայն հայոց կաթողիկոսին։ -0-
