ԵՐԵՎԱՆ, 8 ապրիլի. /Նովոստի–Արմենիա/. Ուրուգվայացի հայտնի երգչուհի և դերասանուհի Նատալիա Օրեյրոն, ով հայ հեռուստադիտողին հայտնի է «Վայրի հրեշտակը» սերիալով, լուսանկար է հրապարակել հայոց թագուհու կերպարով։
Իր Instagram-ում դերասանուհին ներկայացել է վառ կարմիր զգեստով` կերպարը լրացնելով հայկական ազգային տարազի տարրերով։
Instagram–ի բաժանորդագիրներն անտարբեր չեն անցել «Վայրի հրեշտակի» կերպարանափոխության կողքով` Օրեյրոյին անվանելով «հայ գեղեցկուհի»։
Նախօրեին Օրեյրոն առաջին անգամ ելույթ է ունեցել Երևանում իր նոր շոուով, որը դարձավ նրա «Անմոռանալի տուր»–ի (Unforgettable tour) առանցքային ելույթներից մեկը։ Համերգը կայացել է Կ.Դեմիրճյանի անվան մարզահամերգային համալիրում։ -0-