Ռուբեն Հախվերդյանը երեք նոր ձայնասկավառակ է պատրաստում (ՎԻԴԵՈ)

ԵՐԵՎԱՆ, 25 հուլիսի./Նովոստի-Արմենիա/. Հայտնի երգիչ, երգահան Ռուբեն Հախվերդյանը իր երկրպագուների համար երեք նոր ձայնասկավառակ է պատրաստում: Այս մասին նա հայտնել է նախօրեին կայացած ասուլիսի ընթացքում:

«Նովոստի-Արմենիա» գործակալության հարցին նա պատասխանել է, որ ալբոմներն իրենց մեջ ներառելու են ինչպես հին, բոլորին հայտնի երգեր, այնպես էլ նոր երգեր:

«Մեկը (ձայնասկավառակներից) նոր երգերն են, երկրորդը նոր գործիքով mix ենք անում 0-100 տարեկան երեխաների համար, այդ դիսկը լավագույնն եմ համարում: Մեկը էլի նոր երգերով և հին երգերի նոր գործիքավորմամբ»,- նշել է Հախվերդյանը:

Նա պատմել է, որ այս պահին աշխատում է երեք ձայնասկավառակի վրա: -0-