ԵՐԵՎԱՆ, 9 հուլիսի. /Նովոստի–Արմենիա/. Կանայք տարբերվում են տղամարդկանցից գենետիկորեն, կենսաքիմիապես և հոգեբանորեն, ասել, որ նրանք ավելի խելացի կամ ավելի հիմար են, բացարձակ անհնար է,
RNS–ին է հայտնել Առողջապահության նախարարության արտահաստիքային հոգեբույժ–թմրաբան Եվգենի Բրյունը` մեկնաբանելով ՌՈՒԵ երեց Դիմիտրի Սմիրնովի խոսքն այն մասին, թե կանայք տղամարդկանցից հիմար են։
«Մարդկության պատմությունը ցույց է տալիս, որ կանայք ոչ ավելի խելացի են, ոչ էլ ավելի հիմար, նրանք ուրիշ են։ Նրանք այլ հոգեբանություն ունեն։ Նրանք յուրօրինակ այլմոլորակայիններ են։ Տղամարդիկ և կանայք տարբերվում են գենետիկորեն, կենսաքիմիապես, հոգեբանորեն։ Պարզապես այլ մարդիկ են, կյանքում այլ խնդիրներ ունեն։ Այդ իսկ պատճառով ասել, թե նրանք ավելի խելացի են կամ ավելի հիմար, միանգամայն անհնար է։ Անհնար է համեմատել»,– ասել է Բրյունը։
Հոգեբույժ–թրմաբանի կարծիքով, ճեղքման, ստեղծագործական խնդիրների լուծման մեջ կանայք զիջում են տղամարդկանց, իսկ կենցաղային հարցերում կանայք պարզապես անգերազանցելի են։ «Ես պատրաստ չեմ ասելու, թե կինը տղամարդուց հիմար է։ Պարզապես` ուրիշ է»,– ընդգծել է Բրյունը։
Ավելի վաղ «Ինտերֆաքս»–ը հայտնել է, որ Պատրիարքության ընտանիքի, մայրության և մանկության պաշտպանության հանձնաժողովի ղեկավար, երեց Դիմիտրի Սմիրնովը «Ռադոնեժ» ռադիոկայանի եթերում ասել է, թե տղամարդիկ ընդհանուր առմամբ կանանցից խելացի են։
«Կանայք ուղեղով ավելի թույլ են։ Անշուշտ, կան ինչ–որ Մարիա Կյուրիներ, բայց դա, իհարկե, հազվադեպ երևույթ է»,– գործակալությունը մեջբերում է հոգևորականին։ -0-
