Պատգամավորն առաջարկել է սահմանափակել մի շարք ռուսական հեռուստաալիքների հեռարձակումը Հայաստանում

ԵՐԵՎԱՆ, 10 ապրիլի. /Նովոստի–Արմենիա/. «Իմ քայլը» խմբակցության պատգամավոր Նարինե Թուխիկյանը չորեքշաբթի Գիտության, կրթության, մշակույթի, սփյուռքի, երիտասարդության և սպորտի հարցերով մշտական խորհրդարանական հանձնաժողովի նիստում «Հեռուստատեսության և ռադիոյի ազգային հանձնաժողովի` 2018 թվականի գործունեության մասին» հաշվետվության ժամանակ բարձրացրել է մի շարք ռուսական հեռուստաալիքների հեռարձակման սահմանափակման հարցը։

«Միջազգային հեռուստաալիքների` «Միր», «ОРТ» և «Росcия 1»–ի որոշ ծրագրերում քաղաքական կոչեր են հնչում։ Հնարավոր է արդյո՞ք սահմանափակել կամ անջատել այդ ալիքների հեռարձակումը հակահայկական, հայատյացություն ներշնչող հաղորդումների ցուցադրման ժամանակահատվածում»,– հարց է տվել պատգամավորը, նշելով, որ սա կարևոր քաղաքական հարց է։

Հեռուստատեսության և ռադիոյի ազգային հանձնաժողովի նախագահ Տիգրան Հակոբյանն իր հերթին նշել է, որ դա քաղաքական հարց է, և ասել, որ ինքը բազմիցս ստացել է հարցեր այդ թեմայով, որոնցում որպես օրինակ նշվել են Ուկրաինան և Վրաստանը։

«Մենք պետք է գիտակցենք գինը։ Ուկրաինան զրկվել է ինչ–որ բանից` տարածքներից, Մոլդովան և Վրաստանը` նույնպես։ Այս օրինակները մեզ մի բերեք։ Մենք ունենք լրջագույն խնդիր, և, հավանաբար, այդ ծրագրերի պահպանումը և ստատուս քվոն չարյաց փոքրագույնն են»,– ասաց նա։

Հակոբյանը նշեց, որ այդ հարցը տվյալ պահին առաջնահերթ օրակարգում չէ, բայց համաձայնեց, որ գոյություն ունի Հայաստանի տեղեկատվական անվտանգության որոշակի սպառնալիք։ -0-