Նիկոլ Փաշինյանը բացել է հայկական խորհրդարանի գաղտնիքը (ՖՈՏՈ)

ԵՐԵՎԱՆ, 14 դեկտեմբերի. /Նովոստի–Արմենիա/. Հայ ընդդիմադիր պատգամավոր, «Ելք» խմբակցության ղեկավար Նիկոլ Փաշինյանը բացել է հայկական խորհրդարանի գաղտնիքը։

Պատգամավորը Facebook–ի իր էջում հրապարակել է մի գտածոյի լուսանկար, որը նա արել է երկրի Ազգային ժողովի միջանցքներով շրջելիս։ Փաշինյանը խորհրդարանի պահարաններից մեկում հայտնաբերել է Լենինի կիսանդրին։



«Հենց նոր տեսա ԱԺ-ում։ Երևի բերել են, որ ապրիլին մտցնեն ԱԺ դահլիճ։ Վերջին բոլշևիկի նախընտրական արշավի մեկնարկը»,– գրել է նա լուսանկարի վերաբերյալ։

Պատգամավորի հրապարակումը մեկնաբանել է հայկական խորհրդարանի մամուլի քարտուղար Արսեն Բաբայանը, ով նշել է, որ ինքն էլ է նախկին պատգամավոր Թևան Պողոսյանի հետ վերջերս արել այդ բացահայտումը, համատեղ լուսանկար է հրապարակել Facebook–ի իր էջում խորհրդանշական օրը` նոյեմբերի 7–ին։



Բաբայանը միաժամանակ նշել է, որ Լենինի կիսանդրին նոր չի հայտնվել հայկական խորհրդարանի պատերի ներքո, այլ գտնվում է դեռևս խորհրդային ժամանակաշրջանից, երբ գտնվում էր դահլիճներից մեկում։ Այժմ կիսանդրին չօգտագործվող իրերի համար նախատեսված պահարանում է։

Այն շենքում, որտեղ այժմ Հայաստանի խորհրդարանն է, խորհրդային ժամանակ գտնվում էր Հայկական ԽՍՀ կոմունիստական կուսակցության կենտրոնական կոմիտեն։ -0-