Նիկոլ Փաշինյանը պատմել է, թե ինչով է ավարտվել միջադեպն իտալական ոստիկանության հետ (ՖՈՏՈ)

ԵՐԵՎԱՆ, 31 հունվարի. /Նովոստի Արմենիա/. Հայ պատգամավոր, ընդդիմադիր «Ելք» խմբակցության նախագահ Նիկոլ Փաշինյանը մանրամասներ է ներկայացրել նախօրեին Հռոմի ոստիկանության հետ տեղի ունեցած միջադեպի ու Ինտերպոլի մասին:

Նախօրեին Ինտերպոլը փորձել է ձերբակալել Փաշինյանին Հռոմում իր հյուրանոցայի համարում: Որպես ձերբակալման պատճառ նշել են այն, որ Փաշինյանը 2008 թվականից գտվում է միջազգային հետախուզման մեջ:

«Քանի որ, ինչքան հասկացա, առավոտյան միջադեպի հանգուցալուծումը շատերը չէ, որ կռահել են, հարկ եմ համարում տեղեկացնել, որ թյուրիմացությունը հարթվել է հենց տեղում, երբ իտալացի ոստիկաններին փաստաթղթերով բացատրել եմ իմ ով լինելը», - գրել է Փաշինյանը Facebook-ի իր էջում:


Միևնույն ժամանակ պատգամավորը նշել է. «Հրապարակածս նկարում ոստիկաններին youtube-ում ցույց եմ տալիս իմ բանտարկության, դատավարության տեսանյութեր, այդ թեմայով հրապարակումներ միջազգային մամուլում: Իհարկե, նրանք երկար պնդում էին, որ իրենց հետ գնամ ոստիկանություն, բայց բացատրեցի, որ չի լինի այդպես»:

Ի վերջո, ինչպես նշել է պատգամավորը, մոտ 30 րոպեների ընթացքում ճշտումներ անելով, վերջում ոստիկաները ներողություն խնդրեցին և հեռացան:

Նա գրել է նաև, որ ձերբակալման համար բավական լուրջ օպերացիա էի կազմակերպվել՝ մեծ թվով ոստիկանների և հատուկ ծառայությունների ներգրավմամբ: «Երևի մտածել էին, որ 2008-ից մինչև օրս Ինտերպոլից խուսափողը պետք է որ լուրջ հանցագործ լինի», - գրել է Փաշինյանը: -0-