Քիմ Քարդաշյանը պատմել է ամենահամեղ «հայկական» ծննդյան օրվա մասին. «Ես այնքան երջանիկ եմ» (ՎԻԴԵՈ)

ԵՐԵՎԱՆ, 22 հոկտեմբերի. /Նովոստի–Արմենիա/. Ռեալիթի շոուի ամերիկահայ աստղ և բիզնես լեդի Քիմ Քարդաշյանը պատմել է, թե ինչպես է տոնել իր 39–ամյակը։

«Շնորհակալ եմ բոլորին սիրո համար։ Սա ամենալավ, ամենահանգստացնող ծննդյան օրն էր։

Հանգստյան օրերն անցկացրի հիանալի ընկերների հետ Փալմ Սփրինգսում, իսկ երեկոյան մամայի և Քանյեի պատրաստած ընտանեկան ընթրիքն էր»,– գրել է Քարդաշյանն իր Instagram–ում։

«Չքնաղ նվերներ եմ ստացել ամբողջ ընտանիքից, իսկ Քանյեն նվիրել է ամենահիանալի պայուսակները։ Իր և երեխաների անունից նա միլիոն դոլար է նվիրաբերել իր սիրած բարեգործական կազմակերպություններին, որոնք աշխատում են բանտային բարեփոխումների ուղղությամբ։ Դա ինձ այնքան երջանկացրեց»,– գրել է Քարդաշյանը։ -0-