ԵՐԵՎԱՆ, 7 մարտի./Նովոստի-Արմենիա/. Քիմ Քարդաշյանի պես կազմվածք ունենալու մասին երազում են միլիոնավոր աղջիկներ: Եվ այսօր նրանց հնարավորություն է ընձեռվել իմանալու նրա մարզումների որոշ գաղտնիքները, հաղորդում է peopletalk.ru-ն:
Հեռուստաստղի անձնական մարզիչ Մելիսա Ալկանտարեն կիսվել է մի շարք վարժություններով HollywoodLife-ի հետ, որոնցով Քիմը մարզվում է:
Ինչ վերաբերում է մարզումներին, Մելը նշել է, որ ամեն բան փոխվում է կախված կազմվածքի վիճակից ու նպատակներից:
«Ընդհանուր առմամբ մենք շեշտադրումը դնում ենք ուժայինների, հաստատակամության և առողջ ու ակտիվ ապրելակերպ վարելու վրա: Իսկ կքանիստերը, ձգումները և ոտքերի համար վարժություններն անում ենք միշտ»,- ասել է մարզիչը:
Աստղի մարզչի կարծիքով, միշտ կա մի բան, որ դուք կարող եք անել՝ առանց տանից դուրս գալու:
«Դուք կարող եք տնային պայմաններում սկսել սեփական քաշով մարզումները, որպեսզի սկզբի համար սկսեք զգալ սեփական մարմինը և վերականգնել կազմվածքը՝ առանց տնից դուրս գալու»,- ասել է Մելը:
Մարզիչը բացատրում է, որ կազմվածքը ձևավորելու այլ եղանակներ ևս կան:
«Պարտադիր չէ կատարել որոշակի վարժություն կամ ծրագիր, բայց դու պետք է ակտիվ լինես: Եթե ունես հատուկ նպատակ, ապա գտի ծրագիր, որը կհամապատասխանի դրան և հետևիր դրան մինչև վերջ նախքան ասելդ, որ դա չի գործում քո դեպքում: Վերջապես, ինչ էլ դու որոշես անել կազմվածք ձևավորելու համար, եթե չես կարող մարզվել և սնվել՝ ծրագրին համապատասխան առնվազն 3-6 ամիս, ապա այդ մոտեցումը արդյունավետ չէ»,- նշել է մարզիչը:
Նույնպես նա կիսվում է երեք պարզ միջոցներով՝ սեփական մարմնի վրա հսկողություն սահմանելու համար:
«1. Ջուր խմել: Որքա՞ն: Ավելին, քան մտածում եք: 2. Պատրաստեք ինքներդ ձեզ համար: Ընտանիքի և ձեր համար կերակուր պատրաստելիս, դուք կարող եք արդյունավոտ հետևել սեփական սննդակարգին: 3. Գտեք ժամանակ ինքներդ ձեզ համար: Առողջության մեծ մասը մտային առողջությունն է: Ժամանակ անցկացրեք ինքներդ ձեզ հետ և սովորեք վայելել սեփական ընկերակցությունը»,- նշել է մարզիչը: -0-
