Կատարե՞լ է Քարդաշյանը քթի վիրահատություն, թե՞ ոչ. աստղը մեկնաբանում է

ԵՐԵՎԱՆ, 14 փետրվարի./Նովոստի–Արմենիա/. Ամերիկահայ հեռուստաաստղ Քիմ Քարդաշյանն իրականությունն է պատմել երկրպագուներին դեմքի վրա կատարված պլաստիկ վիրահատությունների մասին, գրում է lenta.ru–ն` հղում անելով Daily Mail–ին։

«Երբեք քթի պլաստիկ վիրահատություն չեմ արել։ Բոլորը կարծում էին, թե վիրահատություն եղել է, սակայն նրանց խնդրում էի, որպեսզի սպասեն մինչև երեխաներ ունենամ։ Ասում էի. «Ինքներդ կտեսնեք, քանի որ իմ երեխաները կունենան իմ քթի նման քիթ»», – նշել է Քարդաշյանը Լոս Անջելեսում դիմահարդար Մարիո Դեդիվանովիչի (Mario Dedivanovic) հետ կազմակերպված վարպետության դասի ժամանակ։

Դեդիվանովիչն իր հերթին նշել է, որ քթի կորությունը «թաքցնում է» կոնտուրինգի միջոցով։

«Քթի ավելի նուրբ ձևը, որը տեսնում ենք վերջին շրջանում, կարող է լինել ռինոպլաստիկայի արդյունքում։ Սակայն այդ փոփոխություններն այդքան էլ էական չեն», – մեկնաբանել է բժիշկն ու ավելացրել, որ քթի նոր ձևը կարող է նաև լինել ոչ վիրաբուժական ռինոպլաստիկայի արդյունքում` ֆիլլերների կիրառմամբ։