ԵՐԵՎԱՆ, 18 օգոստոսի․ /Նովոստի-Արմենիա/․ «Կանաչապատում և շրջակա միջավայրի պահպանություն» ՀՈԱԿ-ի ջերմոցատնկարանային վարչությունը ծառերի ու թփերի, բազմամյա ծաղիկների սեփական «արտադրություն» է սկսել: Այս մասին ասվում է Երևանի քաղաքապետարանի Facebook-յան էջում։
Նշվում է, որ վերջին վեց ամսվա ընթացքում սերմային և վեգետատիվ բազմացման եղանակով ջերմոցում 3000 ծառ և թուփ է ստեղծվել:
Загружается новость ... "Лево"
Դրանք բացառապես Երևանի կլիմայական պայմաններին հարմարված են, ունեն բարձր սանիտարական և հոգեհիգիենիկ նշանակություն:
Այս պահին բույսերը ջերմոցի թաղարներում են ապրում: 1.5-2.5 մետր հասակ առնելուն պես կտեղափոխվեն մայրաքաղաքի այգիներ ու փողոցներ:
«Իրականացվում են նաև բուսատեսակների հյուսման էքսպերիմենտներ: Հաջողելու դեպքում ծառերի ու թփերի էքսկլյուզիվ սորտեր կունենանք»,- ասվում է հաղորդագրության մեջ:-0-
