ԵՐԵՎԱՆ, 19 փետրվարի. /Նովոստի–Արմենիա/. ТНТ–ի «Մի անգամ Ռուսաստանում» շոուի արտիստները նմանակել են Առաջին ալիքով հեռարձակվող «Ժամանակը ցույց կտա» թոք–շոուն։ Հումորիստները «Ժամանակը ցույց կտա»–ի իրենց տարբերակն անվանել են «Ժամանակը կպատժի», որտեղ ծաղրել են ծրագրի հաղորդավարներին և դրա ձևաչափը, գրում է 360tv.ru–ն։
Ազամատ Մուսաղալիևը, ով մարմնավորել է «Ժամանակը ցույց կտա»–ի հաղորդավոր Արտյոմ Շեյնինին և սկսել է հաղորդումը հետևյալ բառերով. «Քաղաքական շոու այն մասին, թե ինչն է մտահոգում յուրաքանչյուր ռուսաստանցու հաց ուտելու ընթացքում»։ Հաղորդման թեման է` «Սքոթլենդ Յարդի գաղտնազերծած 214 729 ռուս լրտեսները»։
Մուսաղալիևը ներկայացրել է իր հաղորդավարուհուն, ում անվանել է Լեոպոլդ կատու։ Եկատերինա Մորգունովան, ով մարմնավորել է Եկատերինա Ստրիժենովային, բոլորին մաղթել է «թեթև տրամադրություն» և կոչ է արել գործընկերոջը չսադրել մասնակիցներին։
Հենց որ կինը ներկայացրել է բրիտանացի փորձագետին, նրա վրա հարձակվել է Մուսաղալիևը` անվանելով հյուրին «գոմիկ» և «արևմտյան քարոզիչ»։
Հաղորդման ընփացքում հաղորդավարը մի քանի անգամ ընդհատել է բրիտանացուն և թույլ չի տվել նրան արտահայտել իր կարծիքը։
Այսպես, բրիտանացի մասնագետը հարցրել է հաղորդավարին` «Դուք հիվա՞նդ եք», ինչին Մուսաղալիև–Շեյնինը պատասխանել է, որ եթե Հայրենիքի հանդեպ սերը հիվանդություն է, ապա ինքը, այո, ծանր հիվանդ է։
ԶԼՄ–ները հայտնում են, որ ծրագրի հեղինակներից արդեն ներողություն են խնդրել։ -0-
