ԵՐԵՎԱՆ, 6 դեկտեմբերի. /Նովոստի–Արմենիա/. «Հայ խոհարարական ավանդույթների զարգացումն ու պահպանումը» հասարակական կազմակերպության ղեկավար Սեդրակ Մամուլյանը ծիծաղելի է համարում Ադրբեջանի կողմից տոլմայի պատրաստման բաղադրատոմսը ՅՈՒՆԵՍԿՕ–ի ոչ նյութական մշակութային ժառանգության ցուցակում ընգրկելու վերաբերյալ որոշումը։ Այդ մասին նա չորեքշաբթի հայտնեց «Նովոստի–Արմենիա» գործակալությանը տված բացառիկ հարցազրույցում։
«Ադրբեջանն ինձ Ալադինին է հիշեցնում, ՅՈՒՆԵՍԿՕ–ն` ջինին, որը կատարում է նրա ցանկությունները։ Միշտ կարծել եմ, որ ՅՈՒՆԵՍԿՕ–ն մի կազմակերպություն է, որը թշնամանք է սերմանում ազգերի միջև` սեփական շահի համար, այդ իսկ պատճառով դրան լուրջ չեմ վերաբերվում։ Եթե հիմա մենք էլ դիմենք, ծախսեր կատարենք, ապա կազմակերպությունը կհայտարարի, որ տոլմայի հայկական տեսակ էլ կա, որի մասին իրենք չգիտեին»,– ասաց Մամուլյանը։
Նա ծանոթ չէ Ադրբեջանի ներկայացրած բաղադրատոմսին, թեև նրան դիմել են այդ երկրի խոհարարներ։
«Ես կտրականապես հրաժարվեցի նրանց հետ բանակցություններ վարելուց։ Այդ իրենք, ոչ թե մենք, ապացուցելու ինչ–որ բան ունենք»,– ասաց Մամուլյանը։
Նա նաև մեկնաբանեց Ադրբեջանի այն հայտարարությունը, որ կերակրատեսակի անունը կապված է թուրքական «դոլդուրմա» բառի հետ, որը նշանակում է «լցոնած»։
Загружается новость ...
"Право"
«Մենք արդեն տասը տարի է` պատմում ենք այդ բառի իսկական ծագումնաբանությունը։ Տոլմա բառն առաջացել է տոլի կամ ուդուլի բառից, որը գրաբարում նշանակել է «խաղողի որթ»։ Ընդ որում, իսկական տոլման պատրաստում էին մանր կտրատված մսից։ Եվ բոլորը գիտեն, որ տոլման հայկական ավանդական կերակրատեսակ է, առանց որի չի կարելի պատկերացնել ոչ մի խնջույք»,– նշեց Մամուլյանը։
Նա նաև կարծում է, որ բոլոր հայկական կերակրատեսակներն Ադրբեջանի կողմից յուրացվելու վտանգի առջև են, եթե դրանք պատշաճ կերպով չներկայացվեն։
«Ամբողջ աշխարհով 2018 թվականի մայիսին կանցնի տոլմայի ամիս։ Մենք արդեն նախապատրաստական աշխատանք ենք անցկացրել Ռուսաստանում, ԱՄՆ–ում, Լեհաստանում և Վրաստանում»,– ասաց Մամուլյանը։ -0-