Գիտնականները նախազգուշացրել են գիշերային աշխատանքի վնասի մասին

ԵՐԵՎԱՆ, 10 փետրվարի. /Նովոստի-Արմենիա/. Հոնկոնգի համալսարանի գիտնականները պարզել են, որ քնի մշտական պակասը գիշերային աշխատանքի պատճառով կարող է զգալիորեն բարձրացնել ԴՆԹ-ի թթվային վնասվածքների թիվը և նվազեցնել դրանց վերականգնումը, հայտնում է life.ru-ն:

Այդպիսի փոփոխությունների կուտակումն օրգանիզմում կարող է հանգեցնել քրոնիկ հիվանդությունների:

Գիտափորձի մաքրության համար գիտնականներն իրենց վրա են փորձարկումներ կատարել: Մի քանի բժիշկներ մշտապես աշխատել են գիշերային հերթափոխով, իսկ ավարտին արյան անալիզ են հանձնել:


Կենսաքիմիական և մյուս հետազոտությունները ցույց են տվել, որ «գիշերային բժիշկների» ԴՆԹ-ում վնասվածքների մակարդակն ավելի բարձր էր այն գործընկերներից, ովքեր ցերեկն աշխատել են, իսկ գիշերը` քնել:

Գիտնականները պարզել են, որ օրգանիզմի համար սթրեսային պայմաններում աշխատելն ավելացնում է երկրորդ տեսակի շաքարախտի զարգացման, սիրտ-անոթային համակարգի խանգարումների ռիսկը: -0-