ԵՐԵՎԱՆ, 3 հուլիսի./Նովոստի–Արմենիա/. Չորեքշաբթի աշխարհի տարբեր երկրներում խափանում է տեղի ունեցել Facebook և Instagram սոցցանցերում, ինչպես նաև WhatsApp մեսենջերում, վկայում են DownDetector կայքի տվյալները, գրում է
Interfax-ը։
Հաղորդվում է, որ բոլոր երեք սերվիսների աշխատանքից դժգոհությունների թիվը կտրուկ աճել է մոտ ժամը 17։00–ին։ DownDetector–ի տվյալներով,Instagram–ում խնդիրներ են ծագում լուսանկարներ բեռնելու հետ (85%), Facebook–ում կայքի տարբեր ֆունկցիաների խափանումներ են գրանցվել (95%)։ WhatsApp–ում խափանումներ կան սերվերին միանալու ժամանակ (92%)։
Facebook–ի օգտատերերը հայտնում են, որ լուսանկար չեն կարողանում բեռնել։ Facebook Messenger–ում խնդիրներ կան հաղորդագրություններ ստանալու և ցանցին միանալու հետ։ Instagram–ում չի բեռնվում լրահոսը։ WhatsApp–ում չեն հասնում հաղորդագրությունները, չեն բեռնվում ուղարկված ֆայլերը, ինչպես նաև վատ է աշխատում միացումը։
Բոլոր երեք սերվիսների սեփականատերը Facebook–ն է, որն այս պահին իրավիճակը դեռ չի մեկնաբանել։ -0-
