Ամերիկուհին սխալմամբ 2 տարի արհեստական բույս է խնամել (ՖՈՏՈ)

ԵՐԵՎԱՆ, 9 մարտի./Նովոստի-Արմենիա/. ԱՄՆ բնակչուհի Սիլի Ուիլքսը 2 տարի բույս է խնամել, իսկ ուրիշ ծաղկամանի մեջ այն տեղափոխել փորձելիս, բացահայտել է, որ բույսն արհեստական է, հաղորդում է Vice-ը:

Տնային տնտեսուհին բարեխղճորեն ջրում էր իր բույսը և տան անդամներից ոչ մեկին թույլ չէր տալիս դա անել, քանի որ, կնոջ խոսքով, ծաղիկն ուներ ջուր ընդունելու իր գրաֆիկը:

Բայց ավելի ուշ կինն իր Facebook-յան էջում հրապարակել է լուսանկար՝ գրելով, որ ի զարմանս իրեն, բույսն արհեստական է եղել: Ընդ որում նա դա բացահայտել է բույսը վերատնկելիս:

 «Այսօր ես որոշել էի, որ եկել է բույսը վերատնկելու ժամանակը, ուստի բույսի համար ընտրեցի ամենագեղեցիկ ծաղկամանը: Ես բույսը հանեցի օրիգինալ պլաստմասե ծաղկամանից, որի մեջ այն գնել եմ, և հասկացա, որ բույսն արհեստական է»,- գրել է Սիլի Ուիլքսն իր էջում:

 Տնային տնտեսուհին նշել է, որ հիասթափված է, քանի որ վերջին 2 տարին ապրել է «ստի մեջ»:

 «Ես այնքան սեր եմ դրել այս բույսի մեջ»,- հավելել է հիասթափված կինը:

 Facebook-յան այս գրառումը տարածվել է համացանցում՝ կնոջը հայտնի դարձնելով: Ամերիկուհու հրապարակումը հավաքել է ավելի քան 11 հազ. լայք և 6.3 հազար մեկնաբանություն: Իսկ գրեթե 7 հազ. մարդ իրենց էջերում կիսվել են այս գրառմամբ:-0-