Ալցհեյմերի հիվանդություն և այլ խնդիրներ. փորձագետները զգուշացնում են «COVID-19 սերնդի» երեխաների հետագա ռիսկերի մասին (ՎԻԴԵՈ)

ԵՐԵՎԱՆ, 31 օգոստոսի․ /Նովոստի-Արմենիա/․  Հայաստանի դպրոցներում դասապրոցեսի կազմակերպման կանոնները, ինչպես նաև ուսուցման հեռավատ մեթոդը կարող են ուղեղի տարբեր լուրջ խնդիրներ առաջացման պատճառ դառնալ»։  Այսօր՝ օգոստոսի 31-ին տեղի ունեցած մամուլի ասուլիսի ժամանակ նման կարծիք է հայտնել  Ուսուցիչների իրավունքների պաշտպանության կոմիտեի հիմնադիր, կրթության փորձագետ, մանկավարժ-հոգեբան Արմինե Դավթյանը՝ պատասխանելով «Նովոստի-Արմենիա» գործակալության հարցին։

Նա նշեց, որ ներդրված սահմանափակումները և դիմակ կրելու պարտադիր պահանջը կարող են խնդիրների հանգեցնել։

Նա նշեց, որ, ըստ գիտական ​​ուսումնասիրությունների, այն մարդիկ, ովքեր քիչ են աշխատացնում իրենց ուղեղը և քիչ մտավոր աշխատանք են կատարում, ապագայում դատապարտված են Ալցհեյմերի հիվանդության առաջացման:
«Գլխուղեղի բջիջները պասիվությունից սկսում են մեռնել, և առաջանում է մտավոր հետամնացություն, հիշողության կորուստ, գլխուղեղի որոշ ֆունկցիաներ հետ են գնում»,- հավելեց նա՝ ընդգծելով երեխաների ուղեղի և ֆիզիկական ակտիվության բավարար չափով ապահովումը։

Իր հերթին N2 բուժ. միավորման թերապևտիկ ծառայության ղեկավար թերապևտ, սրտաբան Լամարա Մանուկյանը հայտնել է, որ մանուկ հասակում երեխաների կենդանի հաղորդակցության  սահմանափակումը տարիների հետ կարող է դառնալ պատճառ, որ այդ երեխաները, երբ մեծանան, դառնան ինքնամփոփ, շադ դժվար կմտնեն կոնտակտի մեջ, քիչ շարունակ կլինեն։

«Կյանքի հենց այդ քիչ շարժունակ ձևը հանգեցնում է Ալցհեյմերի հիվանդության զարգացման, դեմենցիայի, վաղաժամ ծերացման։ Ապագան շատ վատն է լինելու, եթե մենք չկազմակերպենք շփումը»,- ասաց նա։-0-