Մշակվել է սննդակարգ, որը կօգնի քաղցկեղի որոշ տեսակների բուժման հարցում
ԵՐԵՎԱՆ, 19 մայիսի./Նովոստի–Արմենիա/. Գիտնականների միջազգային խումբը ներկայացրել է սննդակարգի տեսակ, որը կարող է օգնել կայուն քաղցկեղի որոշ տեսակների դեմ պայքարում։
Սննդակարգի հեղինակներն են Հարավային Կալիֆոռնիայի համալսարանի և Միլանի մոլեկուլյար ուռուցքաբանության ինստիտուտի աշխատակիցները, գրում է lenta.ua–ն։
Գիտնականներն ավելի վաղ պարզել են, որ C վիտամինի բարձր պարունակությամբ մթերքները կարողանում են կանգնեցնել չարորակ ուռուցքների աճը, հաղորդում է Nature Communications–ը։
Միաժամանակ նշվում է, որ նման թերապիան ավելի արդյունավետ է քիմիաթերապիայի համադրությամբ։ Մասնագետները նաև պարզել են, որ ուռուցքային հիվանդությունների դեմ պայքարում արդյունավետ է նաև բուժական սովը։
Գիտափորձի շրջանակում գիտնականները որոշել են պարզել, թե նշված սննդակարգերը որքանով են արդյունավետ, եթե կիրառվեն միասին։ Արդյունքում պարզվել է, որ սովի իմիտացիայով դիետայի և C վիտամինի մեծ քանակի օգտագործման համադրությունն ունի հակաքաղցկեղային ազդեցություն, որը գերազանցում է մեթոդներից յուրաքանչյուրի արդյունավետությանը։–0–
