ԵՐԵՎԱՆ, 13 հուլիսի./Նովոստի-Արմենիա/. Մահացել է հայտնի հոլիվուդյան դերասան Ջոն Տրավոլտայի կինը՝ դերասանուհի և ֆոտոմոդել Քելլի Փրեստոնը, հաղորդում է ՏԱՍՍ-ը:
Загружается новость ... "Лево"
Փրեստոնը մահացել է կյանքի 58-րդ տարում, այս մասին այսօր հայտնել է Ջոն Տրավոլտան իր Facebook-յան էջում: Երկու տարի առաջ դերասանուհու մոտ կրծքի քաղցկեղ էր ախտորոշվել:
«Ծանր սրտով հայտնում եմ, որ իմ գեղեցկուհի կինը՝ Քելլին պարտվեց կրծքի քաղցկեղի հետ երկու տարի տևած պայքարում: Նա խիզախորեն էր պայքարում և շատերն էին աջակցում իրեն»,- նշել է Տրավոլտան:
Դերասանը շնորհակալություն է հայտնել բժիշկներին, ովքեր օգնում էին Փրեստոնին, ընկերներին և բոլոր նրանց, ովքեր պարզապես դիտորդի դերում չէին: Նա նույնպես հայտնել է մոտական օրերը երեխաների՝ դուստր Էլլայի և որդու՝ Բենջամինի հետ անցկացնելու մտադրության մասին:
Հիշեցնենք, որ զույգը 2009թ-ին կորցրել է ավագ որդուն՝ 16-ամյա Ջետին:
Քելլի Փրեստոնը հայտնի է «Կորցնելու ոչինչ չկա», «Ջերի Մագուայեր», «Վազիր» և այլ ֆիլմերում իր դերակատարությամբ: -0-