Կարինե Բուռնազյանի գործընկերը հայտնել է դերասանուհու մահվան պատճառը (ՖՈՏՈ)
25.05.2020,
23:01
Ինչի՞ց է իրականում մահացել Կարինե Բուռնազյանը․ դերասանուհու գործընկերը մանրամասնել է․ ՖՈՏՈ
![Կարինե Բուռնազյանի գործընկերը հայտնել է դերասանուհու մահվան պատճառը (ՖՈՏՈ) Կարինե Բուռնազյանի գործընկերը հայտնել է դերասանուհու մահվան պատճառը (ՖՈՏՈ)](/upload/iblock/2fc/xe1874cfytbj8fx2g900jqfxehtmvvhq.jpg)
ԵՐԵՎԱՆ, 25 մայիսի․ /Նովոստի-Արմենիա/․ Հայտնի դերասանուհի Կարինե Բուռնազյանի գործընկեր, դերասանուհի Զարուհի Խաչատրյանը Facebook-յան իր էջում հայտնել է, թե ինչից է մահացել դերասանուհին։
«Քանի որ շատերին հետաքրքրում է, թե ինչից է մահացել մեր սիրելի ընկերը,բոլորին սիրելի դերասանուհին,ապա տեղեկացնում եմ, երկարատև հիվանդությունից հետո (շաքարային դիաբետ,սիրտ -թոքային անբավարարվածություն),սա է մահվան պատճառը»,- գրել է Խաչատրյանը։
Դերասանուհին անդրադարձել է նաև Բուռնազյանի կենսագրության մասին տարածած սխալ տեղեկություններին։
Загружается новость ... "Лево"
«Որոշ լրատվական կայքերում տեղեկություն է տարածված,մեջբերում եմ «1977 թվականից սովորել է Երևանի Հ․ Պարոնյանի անվան երաժշտական կոմեդիայի թատրոնին կից թատերական ստուդիայում (Զ․ Աբրահամյանի դասարան)։ 1988 թվականից աշխատում է նույն թատրոնում»։ Սա ճիշտ տեղեկություն չի ,Կարինե Բուրնազյանը 1977 թվականից սովորել է Երևանի Գ. Սունդուկյանի անվան ազգային ակադեմիական թատրոնին կից թատերական ստուդիայում ՝ ՀԽՍՀ և ԽՍՀՄ ժողովրդական արտիստ Խորեն Աբրահամյանի արվեստանոցում,աշխատել նույն թատրոնում,այնուհետև 1988թվականից Երևանի Հ․ Պարոնյանի անվան երաժշտական կոմեդիայի թատրոնում»,- հայտնել է դերասանուհին։
Հիշեցնենք, որ մայիսի 24-ին հայտնի դարձավ, որ 61 տարեկանում կյանքից հեռացել է դերասանուհի Կարինե Բուռնազյանը:-0-