Ինչու՞ է վտանգավոր հեռախոսը ձեռքում քնելը

ԵՐԵՎԱՆ, 20 հուլիսի. /Նովոստի-Արմենիա/. Գաջեթը ձեռքում, սոցցանցերը նայելով քնելու սովորությունը բացասաբար է ազդում քնի որակի վրա: Այդ մասին հայտնել է Ջոն Հոփքինսի Բժշկության դպրոցի պրոֆեսոր Վսևոլոդ Պոլոցկին, գրում է life.ru-ն:

Ըստ նրա, դա կարող է առաջացնել կենսաբանական ժամերի խանգարում, ինչպես նաև բացասաբար ազդել քնի փուլերի վրա:

«Մեծահասակներն օրական պետք է քնեն առնվազն 7 ժամ` քնից առաջ չօգտագործելով  համակարգիչներ, iPhone-ներ կամ iPad-ներ և այլ էլեկտրոնային սարքավորումներ: Իդեալական տարբերակը` հետևել այս խորհրուրդին քնից երկու ժամ առաջ», - ասել է նա:

Գիտնականը վստահ է, որ իր և երեխայի համար առողջ քուն ապահովելու նպատակով մարդը պետք է հրաժարվի էլեկտրոնային սարքավորումներից և սննդից քնելուց առաջ, ինչպես նաև չքնի միևնույն անկողնում իր երեխայի հետ:-0-