ԵՐԵՎԱՆ, 15 սեպտեմբերի./Նովոստի–Արմենիա/. Մեզնից շատերն արևապաշտպան քսուք են օգտագործում միայն շոգ եղանակին կամ լողափ այցելելիս։
Դանիացի փորձագետնեը նշել են այն պատճառները, թե ինչու է հարկավոր արևապաշտպան քսուք օգտագործել ամբողջ տարվա ընթացքում, գրում է medikforum.ru–ն։։
Երիտասարդ դեմք. անկասկած դուք կցանկանաք պաշտպանել դեմքը տարիքային փոփոխություններից` չդիմելով բոտոքսի կամ այլ թանկարժեք կոսմետիկ պրոցեդուրաների։ Այս խնդիրը կլուծի արևապաշտպան քսուքը, որը կանխարգելում է դեմքի մաշկի վրա կարմիր թելանման բծերի առաջացումը։
Մաշկի քաղցկեղի ռիսկի նվազեցում. սա արևապաշտպան քսուքի ամենաակնհայտ առավելություններից է, որի մասին շատ բան է հայտնի։ Սական քչերը գիտեն, որ ձմռանը ևս արևը կարող է բացասաբար ազդել մաշկի վրա, եթե մենք այն չպաշտպանենք։ Եվ մի մտածեք, որ եթե ցրտաշունչ ձմռանը բաց են միայն դեմքն ու ձեռքերը, ապա դրա մեջ որևէ սարսափելի բան չկա. անգամ այս դեպքում մաշկը պետք է խնամել քսուքի միջոցով։
Պաշտպանություն արևայրուկի ժամանակ. շատերի համար տարօրինակ է, չէ՞ որ լողափ գնալու հիմնական պատճառն արևայրուկ ստանալն է։ Սակայն ճիշտ ընտրված արևապաշտպան քսուքի արդյունքում մաշկը կլինի ավելի թուխ և միաժամանակ պաշտպանված։
Պաշտպանություն կնճիռներից. մաշկի մեջ ներթափանցելուց բացի, ուլտրամանուշակագույն ճառագայթներն արագացնում են ծերացման գործընթացը, ինչի հետևանքով առաջանում են կնճիռներ։ Այս դեպքում ևս օգնության է գալիս արևապաշտպան քսուքը։–0–
