ԵՐԵՎԱՆ, 9 օգոստոսի /Նովոստի–Արմենիա/. Երեխայի լույս աշխարհ գալու առաջին իսկ րոպեներից ծնողները սկսում են ենթադրել, թե ինչպիսի մարդ է նա լինելու, ինչ բնավորություն է ունենալու։
Загружается новость ... "Лево"
Աստղագուշակները կարծում են, որ անգամ երեխայի լույս աշխարհ գալու ժամը մեծ ազդեցություն է ունենում ապագայում նրա անձի ձևավորման վրա։ Մասնագետներն օրը կիսում են 12 մասի, որոնցից յուրաքանչյուրը համապատասխանում է չինական օրացույցի կենդանիներից մեկին, հաղորդում է mama-likes.ru–ն։
Եվ այսպես...
23։00–ից մինչև 1։00–ը համարվում է «Առնետի ժամ»։ Այդ ընթացքում ծնված երեխաները խելացի են և շրջահայաց։
1:00-ից մինչև 3։00–ը «Ցլի ժամ է»։ Այդ ընթացքում ծնված փոքրիկները հանդարտ են ու զուսպ, սակայն կարող են «բռնկվել», եթե համբերության բաժակը լցվի։
3։00–ից մինչև 5։00–ը «Վագրի ժամ է»։ Այս ընթացքում ծնված մարդիկ առատաձեռն են ու սիրող։ Նրանք կարող են երկար ժամանակ զբաղեցնել սպասողական դիրք, սակայն հարմար պահի դեպքում գործում են վճռական։
5:00–ից մինչև 7:00–ը «Կատվի ժամ է»։ «Կատուների» բնորոշ գծերից են արդարությունը, բարեհոգությունը, վեհանձնությունը։
7:00–ից մինչև 9:00–ը «Վիշապի ժամ է»։ Այս ընթացքում ծնված երեխաները վճռական են և ուժեղ։ Նրանք կարողանում են միջոցներ կուտակել։
9:00–ից մինչև 11:00–ը «Օձի ժամ է»։ Այս ընթացքում ծնված փոքրիկները խելացի են և օժտված են արտասովոր մտավոր կարողություններով։
11:00–ից մինչև 13:00–ն «Ձիու ժամ է»։ Այս ժամանակահատվածում ծնված երեխաները շարժուն են, եռանդուն և առանձնանում են պարզ մտքով։
13։00–ից մինչև 15։00–ն «Այծի ժամ է»։ «Այծերը» համբերատար են և արդար։
15։00–ից մինչև 17։00–ը «Կապիկի ժամ է»։ Այս ժամանակահատվածում ծնված փոքրիկները շփվող են և նախաձեռնող։
17:00–ից մինչև 19:00–ն «Աքաղաղի ժամ է»։ Փոքրիկ «աքաղաղները» կազմակերպված են, ճշտապահ, վճռական։
19:00–ից մինչև 21:00–ն «Շան ժամ է»։ Փոքրիկ «շունիկներն» առանձնանում են ազնվությամբ, արդար են ու ընկերասեր։
21:00–ից մինչև 23:00–ը «Վարազի ժամ է»։ Այս ժամանակահատվածում ծնված երեխաները խիզախ են, համբերատար և ազնիվ։–0–
