ԵՐԵՎԱՆ, 17 նոյեմբերի./Նովոստի–Արմենիա/. Հղիության ընթացքում կորոնավիրուսով վարակվելը 3-5 անգամ մեծացնում է բարդությունների հավանականությունը:
Загружается новость ... "Лево"
Այս մասին «Նովոստի–Արմենիա» գործակալության YouTube–յան ալիքով հեռարձակվող «Հատուկ կարծիք» հաղորդաշարժի շրջանակում ասաց ԵՊԲՀ ավագ դասախոս, Հանրային առողջության մասնագետ, բժշկական գիտությունների թեկնածու Դավիթ Մելիք-Նուբարյանը:
«Այն կանայք, ովքեր հղիության ընթացքում վարակվել են կորոնավիրուսով, հնարավոր է վաղաժամ ծննդաբերեն: Շատ կարևոր է այս փաստերն իմանալ և ճիշտ դատողություններ անել»,– ընդգծեց փորձագետը:
Նա նշեց նաև, որ Covid-19-ի «Դելտա» և «Ալֆա» շտամերի ախտանիշերի միջև էական տարբերություն չկա: Երկու շտամերի դեպքում էլ հիմնական ախտանիշերն են ջերմությունը, քթնարտադրությունը, գլխացավը, մկանային ցավերը, հազը, թուլությունը, համ ու հոտի կորուստը և սուր շնչառական վարակներին բնորոշ այլ ախտանիշեր:–0–