Հայկ Մարությանը խոսել է Արթուր Մեսչյանի հեռանալու մասին (ՎԻԴԵՈ)

ԵՐԵՎԱՆ, 4 օգոստոսի․ /Նովոստի-Արմենիա/․ Այսօր՝ օգոստոսի 4-ին հրավիրած մամուլի ասուլիսի ընթացքում Երևանի քաղաքապետ Հայկ Մարությանը խոսեց Երևանի գլխավոր ճարտարապետ Արթուր Մեսչյանի հետագա պաշտոնավարման մասին:

«Պարոն Մեսչյանն ի սկզբանե երբ գալիս էր, իր սկզբի ասուլիսներում ասել է, որ գալիս է մոտավորապես երկու տարի ժամկետով: Այդ երկու տարին մոտենում է իր ավարտին, և բնական է, որ այդ մարդը սկզբում ինչպես ասել էր, իմ ու բոլորի կողմից շատ հարգված Արթուր Մեսչյանը մնում է իր խոստման շրջանակներում»,-ասաց նա։ 

Քաղաքապետը չժխտեց, որ Մեսչյանն աշխատանքից ազատվում է սեփական դիմումի համաձայն՝ կրկնելով, որ ճարտարապետի նշած երկու տարին ավարտվում է։

«Բնական է, որ մարդը երբ հեռանա, պետք է իր սեփական դիմումի համաձայն հեռանա: Այսօր պարոն Մեսչյանը պաշտոնավարում է, հետագայում երբ գա ժամանակը, դրա մասին կհայտարարվի: Այստեղ գաղտնիք չկա»,- ասաց նա։-0-