«Աշխարհում ոչ մի մայրիկի չէի ցանկանա զգալ այն, ինչ երեկ գիշերը ես զգացի»․Անահիտ Սիմոնյանի հուզիչ գրառումը (ՖՈՏՈ)

ԵՐԵՎԱՆ, 2 դեկտեմբերի․/Նովոստի-Արմենիա/․ Հայտնի երգչուհի Անահիտ Սիմոնյանը հուզիչ գրառում է կատարել Instagram-ի իր էջում։

«Երեկ, երբ Արմանին (Անահիտ Սիմոնյանի որդին է, խմբգր․) պառկացնում էի քնելու, մենք զրուցում էինք, և նա պատմեց, թե ինչպես իր ընկերներից մեկի ծնողներն ամուսնալուծվել են, և ընկերը պատմել է իրեն և շատ վշտացած է եղդել։ Իսկ Արմանը նրան պատասխանել է․ «Մի անհանգստացիր և հավաքվիր, ծնողներդ պարզապես դադարել են միասին ապրել, քո հայրիկը պարզապես տեղափոխվել է, փոխարենը նա ողջ է, և դու նրա հետ շփվելու, գրկելու, համբուրելու հնարավորություն ունես, իսկ մնացածը ժամանակի ընթացքում կդառնա սովորական․․․»։ Եվ երբ նա գիշերը դա պատմում էր, նրա աչքերից արցունքներ էին հոսում, իսկ ձայնը ցավից դողում էր․․․Աստված իմ․․․Աշխարհում ոչ մի մայրիկի չէի ցանկանա զգալ այն, ինչ երեկ գիշերը ես զգացի, երբ քո երեխայի հոգին ցավում է, իսկ դա ոչնչով չես կարողանում բուժել․․․Այսօր, երբ նայեցի 10 տարեկան որդուս, հասկացա, թե ինչպես է նա ժամանակից շուտ մեծացել, ընդամենը 2 ամսում ինչ իմաստուն է դարձել․․․Ինչպես է նրա ներսը ցավում, և ինչպես է նա զսպում իրեն իմ ներկայությամբ, որպեսզի ես էլ չլացեմ․․․Որդիս շատ ուժեղ տղամարդ է լինելու․․.ես դա հաստատ գիտեմ։ Իսկ հիմա վերցրեք հեռախոսն ու զանգեք ձեր ծնողներին կամ մոտեցեք նրանց ու համբուրեք, քանի դեռ նրանք ձեր կողքին են․․․Չէ որ, ոչ ոք չգիտի, թե ինչ է մեզ սոպասվում վաղը», - գրել է Սիմոնյանը։

Անահիտ Սիմոնյանը նախկին ամուսինը՝ հայտնի երգիչ Հայկոն, անժամանակ մահացել է սեպտեմբերին կորոնավիրուսի հետևանքով առաջացած բարդություններից։-0-

Посмотреть эту публикацию в Instagram

Публикация от Anahit Simonyan (@anahitsimonyan)