8 սննդամթերք, որոնք դանդաղեցնում են ծերացումը
ԵՐԵՎԱՆ, 15 հոկտեմբերի. /Նովոստի-Արմենիա/. Որոշ սննդարար նյութեր և սննդամթերք օգտակար են մաշկի համար և, ընդհանուր առմամբ, օգնում են դանդաղեցնել ծերացման գործընթացը, գրում է live-up.co-ն:
Ծերացումը կանխարգելող հիմնական սննդարար նյութերն են.
անտոցիանը և լիկոպինը, որոնք պաշտպանում են մաշկը արևային ճառագայթներից վիտամին A-ն և բիոտինը (B խմբի վիտամին), որոնք մաշկի, եղունգների և մազերի առողջության առանցքային տարրերն են
սելենը, որը անհրաժեշտ է գլուտատիոնի արտադրության համար: Այն սննդարար նյութ է, որն օգնում է վերականգնել վնասված բջիջները
կրեմնիումը, որը բարձրացնում է կոլագենի արտադրությունը, ինչն իր հերթին մաշկը դարձնում է առաձգական և ճկուն
վիտամին C-ն՝ մաշկում կոլագենի բնական նախորդողը
վիտամին E-ն, որը կանխարգելում է կնճիռների առաջացումը և վերականգնում մաշկի վնասվածքները
մոնոհագեցած ճարպերը, որոնք պայքարում են բորբոքման դեմ և առանցքային դեր են խաղում մաշկի խոնավեցման գործում:
Սննդամթերքի որոշ տեսակներ հարուստ են այս սննդարար նյութերով, ուստի հարկավոր է դրանք առավել հաճախ ուտել՝ մաշկի երիտասարդությունը երկարացնելու և ծերացումը հետաձգելու համար:
Հապալաս
Այս հատապտուղը վիտամին C-ի, անտոցիանների և հակաօքսիդանտների հիանալի աղբյուր է: Բացի այդ, մի շարք այլ հատապտուղների նման հապալասը նվազեցնում է բորբոքումը:
Կարմիր նարինջ
Վիտամին C-ի այս առողջ աղբյուրը պարունակում է ավելի շատ հակաբորբոքիչներ և մաշկի համար օգտակար անտոցիաններ, քան նարինջի այլ տեսակները: Վիտամին C-ով հարուստ են ոչ այդքան հաճախ օգտագործվող մանգոն և գուավան:
Ճակնդեղ
Ճակնդեղը հարուստ է անտոցիաններով և A վիտամինով:
Բրազիլական ընկույզ
Օգտակար բուսական ճարպերի համադրությունը սելենի հետ ընկույզի այս տեսակը պաշտպանում է բջիջները ծերացումից:
Վարունգ
Վարունգի խոնավեցնող ազդեցությունն անփոխարինելի է մաշկի համար: Վարունգի կեղևը կրեմնիումի երկօքսիդի աղբյուր է, որը սննդարար նյութ է և օգնում է բարձրացնել մաշկում կոլագենի արտադրությունը:
Լամինարիա (ջրիմուռ)
Այս գորշ ջրիմուռները պարունակում են C և E վիտամիններ, որոնք կանխարգելում են մաշկի բջիջների վնասումը: Դրանք կարելի է ավելացնել աղցանների մեջ:
Ձմերուկ
Ջմերուկը պարունակում է մեծ քանակությամբ ջուր և հիանալի խոնավեցնում է օրգանիզմը: Բացի այդ, ձմերուկը հարուտ է լիկոպինով, որը հեշտությամբ յուրացվում է օրգանիզմի կողմից, մինչդեռ դրա այլ աղբյուրները, օրինակ՝ լոլիկը, հարկավոր է ուտել եփած կամ խաշած վիճակում՝ դրանցից օգուտ ստանալու համար:
Ավոկադո
Ավոկադոն հարուստ է մոնոհագեցած ճարպերով և E վիտամինով: -0-
