ԵՐԵՎԱՆ, 6 ապրիլի. /Նովոստի-Արմենիա/. Մեզանից շատերն ապրում են ժամանակի մշտական պակասի պայմաններում, և դա չի կարող չազդել մեր օրվա վրա: Ժամանակին աշխատանքի գնալու համար մենք արագ ուտում ենք նախաճաշը թեյով, վազում լոգանք ընդունելու: Առաջին հայացքից, կարծես, սովորական երևույթներ:
Բայց կան գործողություններ, որոնք վնասում են ուտելուց հետո կատարելու դեպքում: Ըստ
adme.ru-ի, ուտելուց անմիջապես հետո չարժե՝
Լողանալ
Երբ լոգանք ենք ընդունում, մեր մարմնի ջերմաստիճանը մի փոքր մեծանում է, և դրան դիմակայելու համար օրգանիզմը դեպի մաշկ մի փոքր ավելի արյուն է մղում: Դա կարող է խախտել մարսողության ընթացքը և դանդաղեցնել սննդի յուրացումը: Ավելի ճիշտ է լոգանք ընդունել ուտելուց 30 րոպե անց:
Թեյ խմել
Ուտելուց հետո ոմանց համար մեկ բաժակ տաք թեյը սննդի ընդունման անբաժան մասն է: Բայց հետազոտությունները ցույց են տալիս, որ այդ ըմպելիքը խոչընդոտում է երկաթի յուրացմանը: Այդ իսկ պատճառով ուտելուց հետո մեկ ժամի ընթացքում խորհուրդ է տրվում խուսափել թեյից, հատկապես երկաթի պակաս ունեցող մարդկանց, երեխաներին և հղի կանանց: Բայց դրա փոխարեն մեծահասակները կարող են մեկ գավաթ սուրճ ըմպել, որը, հակառակը, խորհուրդ չի տրվում խմել, երբ ստամոքսը դատարկ է:
Քնել
Այն թյուր կարծիքը, թե քնելուց առաջ ուտելն ավելորդ քաշի հիմնական պատճառն է, վաղուց հնացել է: Բայց դրա մյուս վնասը հերքել չարժե: Ուտելուց հետո քունը կարող է մի շարք անհարմարություններ առաջացնել, օրինակ, այրոց, թթվայնության բարձրացում: Բացի այդ, ապացուցված է, որ ճաշից հետո կանոնավոր քունը կարող է մեծացնել ինսուլտի ռիսկը: Մասնագետները միակարծիք են, որ պետք է պառկել քնելու ուտելուց առնվազն երկու ժամ անց:
Սպորտով զբաղվել
Որքան էլ գայթակղիչ է թվում մարզումից առաջ մի լավ ուտելու գաղափարը, դա անել պետք չէ: Մարզումներն այդ դեպքում կարող են հանգեցնել անհարմարությունների սրտխառնոցի և զկրտոցի տեսքով: Այդ իսկ պատճառով ավելի լավ է երկու ժամ դիմանալ, այնուհետև անցնել ֆիզիկական մարզումների:
Ծխել
Մարսողության ակտիվացման ժամանակ գործարկվում են մեր մարմնի գրեթե բոլոր համակարգերը: Այդ ժամանակ նիկոտինը կկլանվի համարյա կրկնակի ուժով՝ այդպիսով ավելացնելով նաև վնասակար հետևանքները:
Բացի այդ, ապացուցվել է, որ ծխախոտը կարող է արգելափակել վիտամինների և հանքային նյութերի յուրացման գործընթացը՝ զրոյացնելով մեր օրգանիզմ սննդի միջոցով ստացվող օգտակար նյութերի էֆեկտը:
Անշուշտ, ավելի լավ է ծխելուց հրաժարվելԼ Բայդ եթե չեք կարողանում, ապա թույլ տվեք օրգանիզմին ուտելուց հետո հանգստանալ գոնե 20 րոպե: -0-
