ԵՐԵՎԱՆ, 6 հունվարի. /Նովոստի–Արմենիա/. Գիտնականները պարզել են, որ հղիության վերջին շաբաթներում քնի որոշակի դիրքերը կարող են կրկնապատկել մեռելածին երեխա ունենալու ռիսկը։
Մանչեսթերի համալսարանի գիտնականները եկել են այն եզրահանգման, որ ապագա փոքրիկի առողջությունն ու կյանքն ուղղակիորեն կախված է, թե մայրիկը հղի ժամանակ ինչ դիրքով է քնում, գրում է life.ru–ն` հղում անելով Science Alert–ին։
Ուսումնասիրելով ավելի քան 1000 կին` գիտնականները պարզել են, որ հղիության վերջին շաբաթներում մեռելածին երեխա ունենալու փաստը 291 դեպքում պայմանավորված էր այն հանգամանքով, որ կինը հղի ժամանակ շատ հաճախ քնել է մեջքի վրա։
Միաժամանակ, գիտնականները նշել են, որ եթե կինը միշտ քնում է մեջքի վրա, ապա հղիության 28 շաբաթվանից հետո պտղի մահվան ռիսկն առնվազն կրկնապատկվում է, իսկ այլ գործոնների ազդեցության դեպքում` անգամ եռապատկվում։
Նշվում է, որ մեջքի վրա քնելը կարող է ազդել պտղին արյան մատակարարման վրա, այն դեպքում, երբ կողքի քնելու դեպքում ապագա փոքրիկի առողջությանը որևէ վտանգ չի սպառնում։–0–
