Շաքարավազի հայկական շուկայում նոր խաղացողներ են հայտնվել. գինը նվազել է

ԵՐԵՎԱՆ, 3 հոկտեմբերի. /Նովոստի-Արմենիա/. Շաքարավազի հայկական շուկայում հայտնվել են նոր ներմուծողներ: Այդ մասին այսօր լրագրողների հետ զրույցում ասաց ՀՀ տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը:

Ավելի վաղ Հայաստանի շաքարի շուկայում ներմուծման գրեթե 80%-ը բաժին էր հասնում «Ալեքս Հոլդինգին», որը պատկանում է նախկին պատգամավոր, գործարար Սամվել Ալեքսանյանին: Ընկերությունը բազմիցս տուգանվել է շուկան մոնոպոլիզացնելու և շաքարի գները թելադրելու փորձի համար:

«Շուկայում հայտնվել են նոր ներմուծողներ, ինչը էականորեն կփոխի իրավիճակը: Սակայն կարևոր է ոչ թե նրանց քանակը, այլ մասնաբաժինը շուկայում: Եթե շուկայում հայտնվի 100 ընկերություն, սակայն նրանց բաժինը կազմի ընդամենը 1-2%, դա գրեթե ոչինչ չի փոխի», - ասաց Գրիգորյանը:

Մեկնաբանելով շաքարի գնի նվազումը, Գևորգյանը բացառեց գնի արհեստական իջեցման հնարավորությունը «Ալեքս Հոլդինգի» կողմից:

«Շաքարի գնի իջեցման պատճառը դեմպինգը չէ: Այն տատանվում է բորսայի տոկոսադրույքի համապատասխան», - ասաց նա` նշելով, որ «Ալեքս Հոլդինգի» մասնաբաժինը տեղական շուկայում կրճատվել է 20%-ով:

Միաժաանակ շաքարի հայկական շուկայի կարևորագույն խնդիրն է, ըստ նրա` տեղական արտադրողի բացակայությունը:-0-