ԵՐԵՎԱՆ, 3 ապրիլի. /Նովոստի-Արմենիա/. Ամերիկահայ հեռուստաաստղ Քիմ Քարդաշյանի 39-ամյա քույրը` Քորթնի Քարդաշյանը, գործարկել է սեփական ինտերնետային պարբերական՝ Poosh-ը, այդպես նա քնքշորեն անվանում է իր 6-ամյա դուստր Պենելոպային:
Ինչպես հայտնում է Телекритика-ն, նոր կայքը նվիրված է աղջիկներին, «ովքեր թելադրում են սեփական կանոնները, կոտրում են կարծրատիպերը, վայելում կյանքը և վարակում սեփական վստահությամբ»:
Կայքում կարելի է հոդվածներ գտնել Քորթնիի կողմից օգտագործվող կոսմետիկայի, երեկույթներից առաջ Քորթնիի խորհուրդների, նրա պայուսակի պարունակության մասին, կարելի է անգամ ծանոթանալ ընթերցանության համար չնախատեսված գրքերի ցանկին:
Ինչպես հայտնում է The Hollywood Reporter-ը, Քորթնին ստեղծել է Poosh-ն` ի պատասխան հասարակական հարցմանը. աղջիկները մշտապես հետաքրքվում են, թե ինչպես է նրան հաջողվում համատեղել մոր, գործարար կնոջ դերը` միաժամանակ հասցնելով զվարճանալ տարատեսակ երեկույթներին։
Չնայած նոր կայքի կոնտենտը ոչնչով չի տարբերվում գեղեցկության մասին յուրաքանչուր այլ կայքի բովանդակությունից, կախարդական ազգանունն արդեն գրավել է օգտատերերի մեծ թիվ. նախագծի Instagram–յան էջն արդեն ունի 2,5 մլն հետևորդ:-0-
