Պարզ միջոց. ինչպե՞ս կարելի է բարձրացնել երեխայի առաջադիմությունը

ԵՐԵՎԱՆ, 5 հունվարի./Նովոստի–Արմենիա/. Ամերիկյան հոգեբանական ասոցիացիայի մասնագետները նշել են այն միջոցը, որը թույլ կտա բարձրացնել երեխայի առաջադիմությունը դպրոցում։

Ուսումնասիրության արդյունքները հրապարակվել են MedicalXpress պորտալում, հաղորդում է life.ru–ն։ 


Հոգեբանները վերլուծել են ավելի քան 112 հազար երեխաների տվյալներ, որոնք դպրոց են ընդունվել 2000–2003թթ.–ին և հանձնել են մաթեմատիկայի, բնագիտության կամ անգլերենի ավարտական քննություններ ու բացահայտել են հետաքրքիր օրինաչափություն։ Նրանց խոսքով, աշակերտները, որոնք տիրապետել են երաժշտական գործիքի կամ զբաղվել են վոկալով, քննություններն ավելի լավ են հանձնել։ Գիտնականների խոսքերով, այդ երեխաների գիտելիքները հավասար էին դպրոցում ևս մեկ լրացուցիչ ուստարվա ընթացքում ստացված գիտելիքների։
«Մենք հաճախ լսում ենք, որ հարկավոր է կենտրոնանալ մաթեմատիկայի, բնական գիտությունների և լեզուների վրա։ Հետաքրքիրն այն է, որ երաժշտական կրթությունը կարող է բարելավել բոլոր ակադեմիական ձեռքբերումները», – ուսումնասիրության արդյունքները մեկնաբանել է դրա հեղինակներից մեկը` Պիտեր Գուզուասիսը։–0–