ԵՐԵՎԱՆ, 16 դեկտեմբերի. /Նովոստի-Արմենիա/. Գոյություն ունեն հիվանդություններ, որոնց ընթանում են գրեթե առանց ախտանիշերի, և մի գեղեցիկ օր բացահայտում են իրենց:
Woman page կայքը ներկայացնում է այդպիսի վեց հիվանդությունների ցանկը:
1. Բարձր ճնշում
Ըստ վիճակագրության, մարդկանց գրեթե 50 տոկոսը չգիտի, որ բարձր ճնշում ունի: Հիվանդությունն «ապրում է» մարդու մեջ, մինչև որ մի օր հանգեցնում է ինսուլտի, ինֆարկտի, կամ երիկամների հետ խնդիրներ են առաջանում:
Եթե նույնիսկ կարծում եք, որ առողջ եք, և ձեզ ոչինչ չի անհանգստացնում, տարին առնվազն մեկ անգամ չափեք ճնշումը: Եթե բժշկի գնալու ժամանակ չունեք, մտեք մոտակա պոլիկլինիկա կամ ձեռք բերեք տոնոմետր և չափեք ճնշումը տան պայմաններում:
2. Ապնոեի նոպաներ երազի մեջ
Շատերը կարծում են, թե ապնոե լինում է միայն ավելորդ քաշ ունեցողների մոտ: Դա այդպես չէ: 20-ից 70 տարեկան կանանց 50 տոկոսը տառապում է ապնոեից: Դա վիճակ է, որի ժամանակ քնած մարդու մոտ անսպասելի փակվում է շնչառությունը, ինչը կարող է հանգեցնել սրտի հետ կապված խնդիրների և երկրորդ տիպի շաքարախտի:
Ամենից հաճախ ապնոե ախտորոշվում է կանանց մոտ: Դրա ամենաակնհայտ ախտանիշն անքնությունն է: Գիշերվա ընթացքում մարդը մի քանի անգամ արթնանում է ապնոեի հետևանքով: Եթե նկատել եք այդպիսի ախտանիշ, դիմեք բժիշկի:
Загружается новость ... "Лево"
3. Գլաուկոմա
Գլաուկոման զարգանում է շատ դանդաղ, ինչի հետևանքով հիվանդը միանգամից չէ, որ նկատում է տեսողության վատացումը: Այն առաջանում է աչքի ճնշման խանգարման հետևանքով, ինչը դժվարացնում է հեղուկի շրջանառությունն աչքի մեջ: Այս վիճակն առաջացնում է տեսողության մշուշոտություն, տեսանելիության դաշտի նեղացում և արդյունքում կարող է հանգեցնել կուրության: Գլաուկոման առավել հաճախ հանդիպում է 40-ից բարձր մարդկանց մոտ: Եթե բարձր ռիսկի գոտում եք, տարին մեկ անգամ ստուգեք տեսողությունը:
4. Շաքարախտ
Արյան մեջ շաքարի նորմալ մակարդակը միշտ չէ, որ վկայում է շաքարախտի բացակայության մասին: Վաղ փուլերում վիճակն ընթանում է գրեթե առանց ախտանիշերի: Բանալի բառը «գրեթե»-ն է: Ախտանիշեր, այնուամենայնիվ, կան` չորություն բերանում, ծարավ, հաճախամիզություն, անհստակ տեսողություն: Բայց այս ախտանիշերը հաճախ անտեսվում են, մինչև որ արդեն ուշ է լինում:
Սկսած 45 տարեկանից կանոնավոր կերպով ստուգվեք: Եթե ավելորդ քաշ ունեք, բարձր ճնշում կամ բարձր խոլեստերին, ապա ռիսկի գոտում եք:
5. Ձվարանների պոլիկիստոզի համախտանիշ
Վերարտադրողական տարիքի կանանց մոտ 10%-ը տառապում են այս համախտանիշից: Սա մի վիճակ է, որի ժամանակ օրգանիզմում արտադրվում է տղամարդու հորմոնների մեծ քանակ, ինչի հետևանքով օվուլյացիայի և դաշտանային ցիկլի խանգարումներ են նկատվում: Բացի այդ, դիտվում է երկրորդ տիպի շաքարախտի զարգացման, սրտի խնդիրների, ապնոեի և էնդոմետրիումի քաղցկեղի զարգացման ռիսկ:
Լսեք ձեր մարմինը: Պոլիկիստոզի դեպքում հաճախ շատ է երկարում դաշտանային ցիկլը (ավելի քան 35 օր), ցան է առաջանում (թեև վաղուց 16 տարեկան չեք), նոսրանում են գլխի մազերը և, հակառակը, ավելանում է մազերի աճը մարմնի վրա: Այդ ամենը կարելի է վերահսկել, եթե հետևում եք ձեր կենսակերպին: Ցածր ածխաջրածնային դիետան և կանոնավոր մարզումները լավագույն օգնականներն են: Բայց անպայման դիմեք բժիշկի, եթե նկատել եք ձեզ մոտ վերոնշյալ ախտանիշերը:
6. Թոքերի քաղցկեղ
Թոքերի քաղցկեղը կանանց և տղամարդկանց համար քաղցկեղի ամենավտանգավոր տեսակներից է: Դրա վաղ փուլերն ընթանում են գրեթե առանց որևէ ախտանիշի: Իսկ ամենահակասականն այն է, որ հիվանդությունը կարող է զարգանալ նույնսիկ նրանց մոտ, ովքեր կյանքում չեն ծխել:
Եթե երկար տարիներ ծխում եք, ապա հետազոտվեք: Ուշադրություն դարձրեք նաև չոր հազի, կրծքավանդակի ցավերի, խռպոտության, շնչառության պակասի վրա:
Եղեք առողջ: -0-
