ԵՐԵՎԱՆ, 16 մարտի. /Նովոստի-Արմենիա/. Ամենահայտնի մոսկվայաբնակ դիմահարդար, բյութի-բլոգեր և Instagram-ի աստղ Գոհար Ավետիսյանը «պայթեցրել» է Instagram-ը` հրապարակելով ռուս հայտնի հեռուստա-ռադիոհաղորդավար, մոդել և երգչուհի, «Ռեալիթի շոուի աշխարհը. Տուն 2» ամսագրի գլխավոր խմբագիր Օլգա Բուզովայի հետ իր նկարը:
«Առաջին հանդիպումից հետո ես շոկի մեջ էի, թե որքան բաց, անհավանական անկեղծ և շփման մեջ հասարակ մարդ է Օլյան, ինչը հազվադեպ է հանդիպում հայտնի մարդկանց շրջանում...Մեր առաջին համագործակցությունն առաջին իսկ վայրկյանից այնքան լավ ստացվեց, որ արդեն մտածում էինք երկրորդ հանդիպման և նոր ստեղծագործությունների մասին...Ի՞նչ եք կարծում այս դիմահարդարման մասին: Խոստովանեք», - գրել է Ավետիսյանը:
Շուրջ մեկ օրվա ընթացքում լուսանկարն արժանացել է 150 հազար like–ի։
Հիշեցնենք, որ Բուզովան եղել է ՏՆՏ ալիքով հեռարձակվող սկանդալային «Տուն 2» հեռուստաշոուի մասնակիցը, ապա հաղորդավարը: -0-