ԵՐԵՎԱՆ, 28 ապրիլի. /Նովոստի-Արմենիա/. «Ձայնը. երեխաներ» շոուի սկանդալային եզրափակիչը շարունակում է մնալ քննարկումների կիզակետում: Հիշեցնենք, որ հաղթող է ճանաչվել երգչուհի Ալսուի 10-ամյա դուստրը՝ Միկելա Աբրամովան:
Հեռուստադիտողները համաձայն չեն արդյունքների հետ՝ հայտարարելով, որ աղջկան օգնել են մոր կապերը շոու բիզնեսում:
Ռուսական առաջին ալիքը նույնպես կասկածի տակ է առել հանդիսատեսի քվեարկության արդյունքները, նշելով ԶԼՄ-ների համար տարածված հայտարարությունում, որ Միկելա Աբրամովան հաղթել է ձայների մեծ և, անգամ կարելի է ասել, ոչ բնական տարբերությամբ: Առաջին ալիքի ղեկավար Կոնստանտին Էրնստը խոստացել է ստուգումներ անցկացնել:
Հաղորդավար Մաքսիմ Գալկինն առաջիններից մեկն էր վրդովունք հայտնել սոցկայքերում շոուի արդյունքներից:
Загружается новость ... "Лево"
«Կարծում եմ, որ արժանի հաղթողներ կլինեին Երժան Մաքսիմը կամ Անաստասիա Իվանովան, կամ Նինո Չեսները: Այդ երեխաները օժտված են ֆանտաստիկ ձայնով: Շոկի մեջ եմ շոուի արդյունքներից: Առաջին անգամ եմ նման տրամադրությամբ ավարտում «Ձայնը» հաղորդում դիտելը», - գրել է նա Instagram-ի իր էջում:
Ավելի ուշ Գալկինը հայտնել է, որ եզրափակչի մասնակից Երժան Մաքսիմն իր տաղանդով ցնցել է նաև Ալլա Պուգաչյովային, ով քվեարկել է տղայի օգտին:
Իսկ շաբաթ օրը, ինչպես հայտնի է դարձել «Կոմսոմոլսկայա պրավդա» թերթին, Ալլա Բորիսովնան անձամբ մխիթարել է երեխաներին, ովքեր պարտվել են Ալսուի դստերը:
«Պուգաչյովան հրավիրել է 4 երեխաներին Ռուբլյովկայում գտնվող շքեղ ռեստորաններից մեկը», - հայտնել են թերթի աղբյուրները:
Դեռ չհաստատված տեղեկության համաձայն, երգչուհու հետ հանդիպմանը եղել են նաև Նինո Չեսները և Ռոբերտ Բագրատյանը: Լեգենդը երեխաներից յուրաքանչուրին նվիրել է «Ալլա Պուգաչյովայի ոսկե աստղը»:
Այդ մրցանակը Պրիմադոննան հիմնել է դեռ 2005 թ.-ին: Ամեն տարի երգչուհին պարգևատրում է երիտասարդ տաղանդներին և արդեն ճանաչված երաժիշտներին, որոնց անձամբ համակրում է:
Ալլա Բորիսովնայի մրցանակը ներառում է 3,5 - 2 սմ չափսերով ոսկե կախազարդ, որը հիշեցնում է «Ա» տառը և պատրաստված է աստղի տեսքով: Բացի այդ, նվիրվում է դիպլոմ և Պուգաչյովայի սեփական միջոցներից հատկացված դրամական մրցանակ, որի չափսն ամեն անգամ տարբեր է լինում:
Օրինակ, 2005 թ.-ին Ալլա Բորիսովնան նվիրել է Ալյոնա Վիսոցկային 10 հազար դոլար՝ «Не отрекаются любя» հին հիթը վարպետորեն կատարելու համար: Իսկ երգչուհի Միլա Նիթիչին 2009 թ.-ին նվիրել է 50 հազար դոլար՝ «Նոր ալիքում» հանդես գալու համար:
Թերթին հայտնի է դարձել, որ երեխաների հետ հանդիպել է նաև Սվետլանա Լոբոդան: Ըստ լուրերի, նա նույնպես պարգևներ է հանձնել իր սիրելիներին:-0-
