ԵՐԵՎԱՆ, 14 մայիսի. /Նովոստի–Արմենիա/. «Կոմսոմոլսկայա պրավդա» ռադիոյի «ԳլավՏեմա» հաղորդման եթերներում, որոնք հեռարձակվել են Հայաստանում ժողովրդական բողոքների հետ կապված ամենաթեժ օրերին, հաղորդման հեղինակներ Միխայիլ Լեոնտևն ու Միխայիլ Յուրևը մանրամասն վերլուծում էին Հայաստանում ստեղծված իրավիճակը։
Վրդովմունքի ալիք է բարձրացրել «Կոմսոմոլսկայա պրավդա» (ԿՊ) ռադիոյի եթերում հեռարձակվող «ԳլավՏեմա» («ГлавТема») հաղորդումը (ապրիլի 26–ի և մայիսի 3–ի թողարկումներ)` Միխայիլ Լեոնտևի, Իլյա Սավելևի և Միխայիլ Յուրևի մասնակցությամբ։
Загружается новость ... "Лево"
Կիրակի` մայիսի 13–ին, «ԳլավՏեմայի» հաղորդավարներից Միխայիլ Լեոնտևը «
Կոմսոմոլսկայա պրավդային» է մեկնաբանել իրավիճակի զարգացումը։
«Այո, ես անձնական ներողություն եմ խնդրել Փաշինյանից։ Դա տեղի է ունեցել շաբաթ օրը», – ասել է Լեոնտևը։
Պատասխանելով այն հարցին, թե տեքստում առկա՞ է, արդյոք, «Ներողություն եմ խնդրել չափազանց էմոցիոնալ և անվայել մեկնաբանությունների» համար ձևակերպումը` Լեոնտևը նշել է. «Այնտեղ եղել են «չափազանց էմոցիոնալ և ոչ այնքան կոռեկտ մեկնաբանություններ»»։
«Ավելացնեմ, այնտեղ նշված է, որ այս կամ այն իրադարձությունների մասին կարծիքների որևէ տարբերություն չի կարող արդարացնել կտրուկ և ոչ կոռեկտ արտահայտությունները։ Մոտավորապես այսպես է գրված։ Եվս մեկ անգամ ընդգծել եմ, որ տեղեկատվական և քաղաքական ծրագրերում արված իմ մեկնաբանություններն արտահայտում են իմ անձնական կարծիքը, որը որևէ կապ չունի այն ընկերության հետ, որտեղ աշխատում եմ։ Ինձ համար դա նմանատիպ ձևաչափերում մասնակցելու միակ հնարավորությունն է։ Ես սա կրկնում եմ խուլերի և անգաժավորվածների համար. երբ տալիս եմ պաշտոնական մեկնաբանություններ, միշտ հանդես եմ գալիս որպես պաշտոնական անձ։ Սակայն քաղաքական թեմաներին նվիրված իմ մեկնաբանությունները որևէ կապ չունեն ընկերության հետ և չեն կարող ունենալ», – ընդգծել է Լեոնտևը։
Նա նաև նշել է, որ կորպորատիվ պրակտիկայում կա դիսքլեյմեր հասկացությունը, որի դեպքում ընկերությունն իր վրայից հանում է պատասխանատվությունը` ընդգծելով, որ այդ կարծիքն անձնական է։
«Ես հազար անգամ դա ասել եմ։ Բացարձակ անընդունելի եմ համարում ինձ վերագրել կորպորատիվ ինչ–որ պաշտոններ և իմ մեկնաբանությունները ներկայացնել որպես ընկերության մեկնաբանություններ։ Նման դեպքում, ցավոք, դա ամենասարսափելին չէ, ես ստիպված կլինեմ դադարեցնել ցանկացած գործունեություն, բացի պաշտոնական պարտականությունների կատարումը։ Կարծում եմ, որ դա արդար չէ, սխալ է և անազնիվ», – ավելացրել է Լեոնտևը։
Պատասխանելով այն հարցին, թե կարելի՞ է, արդյոք, համարել, որ կոնֆլիկտը սպառված է` Լեոնտևը նշել է. «Ես ոչինչ չեմ կարծում։ Ես ներողություն եմ խնդրել, և ինձ համար կոռեկտ չէ ինչ–որ բան կարծել»։
Լեոնտևը չգիտի` եղե՞լ է, արդյոք, ինչ–որ արձագանք հայկական կողմից։
Загружается новость ...
"Право"
«Չգիտեմ, ոչ։ Ես որևէ արձագանք չեմ սպասում։ Պարզապես կարծում եմ, որ ուղղեցի սխալը։ Դա, իհարկե, մեր դաշնակից երկրի` լեգիտիմորեն ընտրված վարչապետն է։ Եվ այդ փաստը կասկածից վեր է», – ընդգծել է նա ու ավելացրել, որ ներողություն է խնդրել գրավոր տեսքով։
«Ես նամակ են հղել, անձնական նամակ, դեսպանության միջոցով, ինձ օգնեցին փոխանցել այն», – պարզաբանել է Լեոնտևը։
Մայիսի 5–ին ՌՀՄ–ն հայտարարություն է տարածել «Կոմսոմոլսկայա պրավդա» ռադիոյի եթերում Հայաստանի և հայերի հասցեին հնչած արտահայտությունների կապակցությամբ։ Հայտարարությունը հրապարակվել է ՌՀՄ–ի պաշտոնական կայքում։
Հայտարարության մեջ, մասնավորապես, նշվում է, ու ՌՀՄ–ն խորապես վրդովված է Հայաստանի հասցեին հնչած անպատկառ և ցինիկ արտահայտությունների կապակցությամբ, հաղորդման մասնակիցներն ամենացինիկ ձևով վիրավորել են մի ամբողջ ժողովրդի։
ՌՀՄ–ն պայքարելու է, որպեսզի վերը նշված հաղորդման անձանց վարքին տրվի համապատասխան գնահատական ռուսական օրենսդրության մեջ այդ գործողությունների համապատասխանության տեսանկյունից` ծայրահեղականությանը հակազդելու, բռնության կոչերի և ազգամիջյան թշնամանքի հատկանիշներով։
ՌՀՄ–ի անունից համապատասխան հայցն արդեն փոխանցվել է ՌԴ նախագահին, «Կոմսոմոլսկայա պրադվայի» գլխավոր տնօրենին և դատախազությանը, և մենք հուսով ենք, որ նրանք պատշաճ ուշադրության կարժանացնեն այս հարցը։
Երևանում ՌԴ դեսպանատունը ևս հանդես է եկել հայտարարությամբ ու հիշեցրել, որ «ՀՀ–ում վերջին շաբաթներում տեղի ունեցող իրադարձությունները բացառապես Հայաստանի Հանրապետության և նրա քաղաքացիների ներքին գործն է»։
ՌԴ նախագահի մամուլի քարտուղարի պաշտոնակատար Դմիտրի Պեսկովը, մեկնաբանելով Լեոնտևի հայտարարությունները, նշել է, որ դրանք չունեն և չեն կարող որևէ ընդհանուր կապ ունենալ Հայաստանի նկատմամբ Մոսկվայի պաշտոնական դիրքորոշման հետ։–0–
