Քաշքշուկ ՀՀ կառավարության շենքի մոտ. 1 մարդ բերման է ենթարկվել (ՎԻԴԵՈ)

ԵՐԵՎԱՆ, 17 հոկտեմբերի. /Նովոստի-Արմենիա/. ՀՀ կառավարության շենքի մոտ այսօր քաշքշուկ է տեղի ունեցել քաղաքացիների և ոստիկանների միջև:

Հանրապետության հրապարակում միաժամանակ մի քանի ակցի էր իրականացվում: Մասնավորապես, բողոքի ակցիաներ էին իրականացնում Ամուլսարի շահագործման դեմ հանդես եկողները, ավանդական արժեքների ջատագովները, Ստամբուլյան կոնվենցիայի ընդունմանը դեմ ցուցարարները և մահացած զինծառայողները մայրերը:

Ոտիկանները կանխեցին մի տղամարդու` կառավարության շենք մուտք գործելու փորձը, ինչի պատճառով նրա և մի քանի ոստիկանների միջև սկսվել է ծեծկռտուք: Տղամարդը բերման է ենթարկվել: Միաժամանակ նա հայտարարում էր, որ գտնվել է հոգեբուժարանում և համապատասխան տեղեկանք ունի: Նա հայտնեց, որ ընդամենը ցանկացել է դժգոհություն հայտնել:

«Ինչպե՞ս չբարկանամ, երբ տեսնում են, թե ինչ է տեղի ունենում աշխարհում, ինչպիսի անկարգություններ», - ասաց նա լրագրողներին:

Այլ ակցիաների մասնակիցները փորձեցին աջակցել տղամարդուն, սակայն ոստիկանները կանխեցին այդ փորձը:

Իրավապահները հրաժարվեցին հայտնել իրավապաշտպաններին և լրագրողներին բերման ենթարկելու պատճառները: Ակտիվիստները նշեցին, որ ծանոթ չեն բերման ենթարկվածի հետ:-0-