ԵՐԵՎԱՆ, 22 դեկտեմբերի. /Նովոստի-Արմենիա/. Տաջիկստանի նախագահ Էմոմալի Ռախմոնը կողմ է հանդես եկել Ստանիսլավ Զասին ՀԱՊԿ գլխավոր քարտուղարի պաշտոնում նշանակելուն:
Նրա թեկնածությունը ներկարացրել է Բելառուսը, նշանակման փաստաթուղթը պետք է ստորագրեն կազմակերպության անդամ երկրների բոլոր ղեկավարները, հայտնում է
Vesti.ru-ն` հղում անելով ՌԻԱ Նովոստիին:
«Ավելի վաղ Զասն արդեն այցելել է Ղրղըզստան, Տաջիկստան և Ռուսաստան իր նշանակումը համաձայնեցնելու նպատակով: Հայաստան այց առայժմ չի ծրագրվում: ՀԱՊԿ կանոնակարգով նախատեսվում է յուրաքանչյուր մասնակից երկրի հետ առանց համաձայնեցման որոշումներ ընդունելու կարգ: Զասն այս հարցում փոխզիջման հույս ունի»,- նշվում է հաղորդման մեջ:
Ստանիսլավ Զասի նշանակմանը պաշտոնապես սատարել է Բելառուսի նախագահ Ալեքսանդր Լուկաշենկոն` ստորագրելով համապատասխան փաստաթուղթ:
ՀՀ վարչապետի պաշտոնակատար Նիկոլ Փաշինյանի մամուլի խոսնակ Արման Եղոյանը նախօրեին հայտնել է, որ
Փաշինյանը պատրաստ չէ հանդիպել Բելառուսի Անվտանգության խորհրդի քարտուղար, ՀԱՊԿ գլխավոր քարտուղարի պաշտոնին հավակնող Ստանիսլավ Զասի հետ` որպես ՀԱՊԿ գլխավոր քարտուղարի թեկնածուի:
«Եթե մինչ այս պահը նրա հետ հանդիպում տեղի չի ունեցել, ուրեմն՝ նման հանդիպման անհրաժեշտություն չի եղել»,- նշել է Եղոյանը։ -0-