Մեսսին ապաքինվում է և Բարսելոնա կվերադառնա շաբաթվա վերջին
26.12.2013,
11:35
Մեսսին ապաքինվում է և Բարսելոնա կվերադառնա շաբաթվա վերջին
![Մեսսին ապաքինվում է և Բարսելոնա կվերադառնա շաբաթվա վերջին Մեսսին ապաքինվում է և Բարսելոնա կվերադառնա շաբաթվա վերջին](/upload/iblock/32d/zt501dgpv2ad14gsmf8pj95gbm7cf4o9.jpg)
«Բարսելոնա» ֆուտբոլային ակումբի արգենտինացի հարձակվող Լիոնել Մեսսին արդեն ապաքինվում է ազդրի հատվածում ստացած վնասվածքից հետո և ընթացիկ շաբաթվա ավարտին կվերադառնա Բարսելոնա, հաղորդում է ՌԻԱ Նովոստին`հղում անելով As–ին։
Մեսսին ազդրի երկգլուխ մկանի վնասվածք էր ստացել «Բետիսի» հետ նոյեմբերի 10–ին Իսպանիայի առաջնության 13–րդ մրցախաղի ընթացքում (4:1)։ Դրանից 9 օրը անց նա մեկնեց Արգենտինա, որպեսզի ապաքինվի իր ազգային թիմի բազայում` իր բժշկական շտաբի վերահսկողությամբ։ Ներկա պահին ֆուտբոլիստը ապաքինման եզրափակիչ փուլում է։ Ակնկալվում է, որ 26–ամյա հարձակվողը «Բարսելոնայի» կազմում մարզումները կսկսի հունվարի 2–ից։
Այս սեզոնի 16 խաղի ընթացքում Մեսսին 14 գոլ է խփել։ –0–