ԵՐԵՎԱՆ, 28 հոկտեմբերի․ /Նովոստի-Արմենիա/․ ՌԴ ԱԳ նախարար Սերգեյ Լավրովը հոկտեմբերի 28-ին հեռախոսազրույց է ունեցել Ֆրանսիայի Եվրոպայի և արտաքին գործերի հարցով նախարար Ժան-Իվ Լե Դրիանի հետ, հաղորդում է ՌԴ ԱԳՆ մամուլի ծառայությունը:
Զրույցի ընթացքում նախարարները հանգամանորեն քննարկել են իրավիճակի զարգացումը ղարաբաղյան հակամարտության գոտում, լուրջ մտահոգություն են հայտնել չդադարող լայնամասշտաբ մարտական գործողությունների առնչությամբ և կողմերին կոչ են արել ամբողջությամբ դադարեցնել կրակն ու հասնել լարվածության ապաէսկալացիայի:
Загружается новость ...
"Право"
«Ընդգծվել է հակամարտության դիվանագիտական կարգավորմանն այլընտրանք չլինելու հանգամանքը և ԵԱՀԿ Մինսկի խմբի համանախագահների հետագա համակարգված գործողությունների անհրաժեշտությունը: Քննարկվել են իրավիճակի հետագա զարգացման հնարավոր սցենարները»,- ասվում է հաղորդագրության մեջ:
Լավրովն ու Լե Դրիանն ընդգծել են հակամարտող կողմերի՝ մարտական գործողությունները դադարեցնելու հանդեպ քաղաքական կամք դրսևորելու կարևորությունը:-0-
