Թուրքիայի վարչապետը կարծում է, որ իր նախնիները չէին կարող Ցեղասպանություն գործել. «Չորրորդ ինքնիշխանություն»

Թուրքիայի վարչապետ Ռեջեփ Թայիպ Էրդողանը, ելույթ ունենալով Վաշինգտոնի Ջոն Հոփքինսի անվան  համալսարանում, հայտարարել է, որ իր նախնիները չէին կարող Ցեղասպանություն գործել, գրում է « Չորրորդ ինքնիշխանություն» թերթը:

Էրդողանի խոսքերով` 1915 թ.-ին Թուրքիայում տեղի է ունեցել հայերի տեղահանում, որը կատարվել է անվտանգության նպատակով:

«Կան տեղահանման հետ կապված բազմաթիվ փաստաթղթեր, որոնք ես տեսել եմ սեփական աչքերով: Ես չեմ հասկանում, թե ինչ փաստերի հիման վրա են Հայերի Ցեղասպանության մասին պնդումները»,- հայտարարել է թուրք վարչապետը: -0-