Ադրբեջանի և Հայաստանի խորհրդարանականները ղարաբաղյան հակամարտության կարգավորումը կքննարկեն ՌԴ Պետդումայում
22.10.2009,
10:19
Ադրբեջանի և Հայաստանի խորհրդարանականները ղարաբաղյան հակամարտության կարգավորումը կքննարկեն ՌԴ Պետդումայում
Ադրբեջանի և Հայաստանի խորհրդարանականների հանդիպումը՝ ռուս պատգամավորների մասնակցությամբ, տեղի կունենա հինգշաբթի Ռուսաստանի Պետդումայում: Հանդիպման ընթացքում խորհրդարանականները կքննարկեն ղարաբաղյան հակամարտության կարգավորումը, «ՌԻԱ Նովոստիին» է տեղեկացրել Ադրբեջանի Միլլի Մեջլիսի (խորհրդարան) մամուլի ծառայության աշխատակիցը:
Յուրաքանչյուր կողմից հանդիպմանը կմասնակցի հինգ խորհրդարանական, ինչպես նաև՝ Ռուսաստանում Ադրբեջանի և Հայաստանի դեսպանները և Ռուսաստանի նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը:
Ինչպես նախօրեին լրագրողներին է հայտնել Ադրբեջանի խորհրդարանի առաջին փոխխոսնակ Զիյաֆեթ Ասկերովը, հանդիպումը կդառնա մինչ այժմ անցկացվող նման հանդիպումների շարունակությունը:-0-
Պատճենել հղումը
