ԵՐԵՎԱՆ, 19 հոկտեմբերի․ /Նովոստի-Արմենիա/․ Ռուսաստանի արտգործնախարար Սերգեյ Լավրովը կոչ է արել անհապաղ դադարեցնել հակամարտության հռետորաբանության ավելացումը Արցախում տիրող իրավիճակի շուրջ, ինչպես կողմերի, այնպես էլ միջազգային խաղացողների միջոցով: Այս մասին նա հայտարարել է Եվրոպայի խորհրդի գլխավոր քարտուղար Մարիա Պեյչինովիչ-Բուրիչի հետ հանդիպումից հետո:
«Վստահ ենք, որ հիմա ամենակարևորը և, հավանաբար, դա մեծ ջանքեր չի պահանջում, կողմերի միջև, ինչպես նաև պատասխանատու միջազգային խաղացողների գծով ռազմական հռետորաբանության ավելացման անհապաղ դադարեցումն է: Դա ինչ-որ մեծ ջանքեր չի պահանջում:», - ասել է նախարարը:
Լավրովը նշել է, որ հաջորդ բացարձակ անհրաժեշտ քայլը, որը պետք է արվի առճակատման հռետորաբանության ավարտի հետ միաժամանակ, ռազմական գործողությունների և քաղաքացիական թիրախներին հարվածներ հասցնելու դադարեցումն է:
«Մոսկվայում կայացած հանդիպումից հետո մեր հույսերը չարդարացան, ռազմական գործողությունները շարունակվեցին, շարունակվեցին քաղաքացիական ենթակառուցվածքներին, բնակեցված տարածքներին հարվածները: Դա անընդունելի է», - ասել է նա:
Նա նաև ասաց, որ ԵԽ իր գործընկերներին տեղեկացրել է այն մասին, թե ինչպես է Ռուսաստանը տեսնում իրավիճակն Արցախում և երկրի կողմից ձեռնարկվող քայլերի մասին:-0-